Maioh amai cerita bebadi anak mit setegal engkelan, lemas, luput enggau maioh macam agi jenis penyakit. Tadi aku baru maca siko ari anak artis kitai ba Malaysia (nama enda tau sebut) udah lemas. Kasih umur baru 3 taun, tang nasit ia manah laban ibu ia sempat nyelamat ke ia. Keni ia nyelamat ka anak mit nya? Ngena CPR ke betul!
Nya meh aku tu mutus ati ka belajar (praktikal ngaga CPR). Aku bisi meli bup pasal keni ngaga CPR ngagai urang tuai (adult) sereta anak mit. Tang laban nadai urang nunjuk enggau betul aku takut ke enda betul. Bisi bala kita nemu ngaga CPR enggau betul?
Kebuah pia aku madah penting kitai apai indai nemu ngaga CPR laban kitai enda nemu nama pedis bebadi deka nyadi ngagai kitai sebilik. Ukai mina ngagai anak kitai, laki tauka bini tang apai indai serta kaban belayan mega tau ditulung enti nyema kitai nemu ngadu ka CPR tu. Ukai ngajih rangkang ngachuk mata. Tang maioh pemanah enti kitai nemu. Enda rugi kitai belajar. Nyema bisi fees enti ka belajar pan aku enda kisah.
Teringat aku cerita apai ke apin lama nusui siko ari indai tuai kami serumah parai laban ia sigi bisi jai jantung. Lebuh di anjung ke sepital seput ia lelang lalu ngujung ke ia nadai. Maia nya Dr bisi madah enti bisi siko ari kami serumah (pemanjai rumah 14 pintu) nya nemu ngaga CPR indai tuai tu tau selamat. Laban jantung ia ngetu ngepam, tang enti di beri CPR jantung ia tau berfungsi baru. Neh kasih amai ko aku. Bendar aku ngasuh apai minta ba Kementerian Kesihatan Daerah ngasuh meri sida rumah panjai latihan CPR. Nama kebuah laban selalunya rumah kitai Iban jauh ari pasar (hospital) kelebih agi rumah panjai. Enti kitai nemu mimit pasal ngidup ke pangan diri udah cukup manah kena ngenan ke ngenatai ke urang bebadi tauka sakit nya ba sepital.
Bah! Tu meh azam taun baru aku 2009 tu. Pulai kemisi ari menua ila aku ngiga endur dini2 badan kesihatan/sepital tauka pusat komuniti kini ke bisi ngaga program tu. Nyadi ko petunggal aku ke nyadi nurse selalu sepital perintah ngaga demo tauka ngajar bala maioh pasal CPR. Nya aku madah ke ia enti bisi anang enda madah ke aku!
Mupok dulu, nindok ke princess kami nya. Adik udah sepa tinduk munyi ko apai aku udah datai ba 'Sepantak' (nama menua kami din).
3 comments:
CPR..& Chocking..amat beguna endar nya at least ke kena diri empu pan pama meh.
agi aku ingat maia aku agi sekula primary kelia,kaban sama sekula mati engkelan leka buah maram..ka mulai ke diri sekula ngetu ba ruai,org benung ngulam .ukai mati keni kati tudah, tang meh mati ketegal salah cara nyumanka,ni enda di kerate org pegu tudah tuai...ka ngeluar ke leka maram nya keno ko jaku.nya...ni enda kasih.... enti nitih ke cara ke betul,dlm keadaan bediri berap kitai ari belakang sambil ngenggam jari penumbuk lalu teken ngenyit ba senentang tungkul atau,nyema enti baby lain agi ga cara ia..
Tang ti ba bandar,tajapen aku nemu, nyangka lubah meh aku ka ngaga CPR,semadi meh tak nadai urg bukai agi,nadai ko enggau.Ukai nama.. instructor kami kala advice enti sema ke CPR nn nya enda mujur,mangsa nya pan lalu ditakdir ke mati...bala family iya bulih endar deka nyaman@sue kitai laban udah maioh kes bakanya...bah ..nama penyadi kitai,ko jaku tadi ka ngidup..
Tang enti ba military fields enda ga aku takut,civilian kakang arr..enggai bula ga...semadi meh diri sebilik..
Amai ga munyi ko dek nya. Mar kitai diau ba menua 'kiasu', sereta selalu nyalah ke urang pama utai enda betul. Amatpan tujuan urang ke ka nulung nya ikhlas pama mujur sigi di puji pama salah sigi mati meh dek di salah ke urang. Enda ngawa belajar aku kena kami sebilik kelebih agi ba kami menyanak diatu bisi todler enggau baby. Mesti ka dijaga nya.
Post a Comment