Thursday, June 18, 2009

Cerita Rama Maia Pulai Gawai 2009

ULAH ADIK




Hooray! Best meda utai ba ujung bilik tu.


Nama gaga dek ucu? Ko inik. Pasuk ke dek tanggui tu neh!
Adik ngenat aja digerami urang.


Tu menyadi ini aku bilik sepiak. Cukup mentas ini tuai siko tu. Aku enda kala ninga nyawa ia besai nganu bala ucu ia. Umbas ia ga pemanchal bala sida sepiak. Maia rami tu nyau beterauh sida ia. Munyi ko ibu aku sampai 3, 4 kali sida nanggar ke asi dalam seari. Lapa deh. Maia Gawai aja bansanya, enti apus Gawai bala pulai tinggal sida 4 aja, ini, aki ,ibu enggau aya aku aja. Baka sida apai meh nya, mina aki aja ke udah nadai.




Peda gamal Aqif ngena tanggi. Ngenat urang empu.



Nama mama? Udah besai aku kah?





Kakak enggai alah. Aku ka meh ngena topi nya ko iya.




Kakak, Aqif enggau ini kami. Tuai amai tudah. Kasih meda gamal ia. Kuat amai kerja urang tuai siko tu. Enggai jenuh, badu bumai ngiga senggang ga sida ke tikai. ENda nya, nyau ga sebelah ai mansai. Amai pemadu. Jarang amai aku meda ia tinduk siang. Enggai jenuh dek tu. Ko aku nganu ia. Am ke KL dek enda dek maioh pengawa din! Eii... mati aku din, Ko iya ga. Neh enda gawa mati pia?

CERITA NGELALU TEMUAI MAIA GAWAI.



Bisi bala reporter niki rumah panjai sida apai serumah lalu begari kena ngelalu ke temuai. Kabuah bukai laban sida ga promote rumah panjai sida ti udah dipilih enggau program Homestay.
Maia tu benung nunjuk ke cara betenun.




Tu sida benung demo ngaga penganan tatuk. Balat belakun tu ko sida ke tuai. Ukai tau meda utai nyelai deh.
CERITA BERIKAN.

Apu... peda kita pemaioh ikan. ENti ditimbang bisi ka seratus kilo dipelaba ke aku. Nyadi sida menyadi aku baum berikan udah tembu begawai. Nadai sida nyangka bulih ikan bangat ngemayuh nya laban lama enda berikan (sida gawa belah negeri, maia bisi rami aja ke pulai). Nyadi kami ngumbai ikan tu ikan bawan. Ba menua kitai sebelah Kapit nadai ikan tu wai. Ba menua kami ba Baram bisi. Menua pelilih bukai enda aku nemu. Bisi ba kita dia Endun Belalai?




Aki apai rilek meda urang magi ikan. Perati ke jari iya nyepit insap. Ngentut ke diri. Pama pala bisi sebingau mimit lalu minta insap urang meh iya. Engka nya cool kini sepi iya ngirup sambil nginsap? Peiii.. pemadu ko indai. (Aki apai ukai urang nginsap)



8 iti raga nya pemayuh bagi sida. Tubuh lapan ke pegi berikan. Balat menua endur berikan nya ko menyadi aku ke lelaki. Lagun nadai entu pantai. Nya meh sida seari-ari berendam dalam ai. Nurun sida tumu pagi nyau malam baru pulai. Ka enda alah san sida ikan. Seduai petunggal aku laban ke jarang enggau urang pengawa tu nyau minta saup ngesan sekeda ikan ke di bai seduai. Nama penyadi. Bedau agi tetingkap, kaki ka cramp meh ko kenu.




Nya begau manah kami serumah. Enda kala meda pemayuh ikan bakatu ko sekeda. Musim kemarau tu sigi ka maioh ikan deh.




Nya gamal sida ke berikan. Menyadi aku ke lelaki bediri mua ke kanan sekali enda bebaju. Petunggal aku Lee bediri mua ke kiba lumur 2 betupi. Agi kita ingat ke cerita 'Rudy' aku? Nya Rudy duduk mua ke kanan ngena tupi. Ia meh ke nyaup sida ngesan ikan ngemayuh nya. Enti nadai ia enggau petunggal aku ke bediri 3 ari kiba sigi enda alah bai sida ikan nya. Aya aku ke gawa ba MLNG ngena baju kuning duduk ari mua paling kiba. Ia tu anak ini aku ke mentas tadi. Bai iya raun ini enggau aki singkung kami nya ke KL ila dalam bulan 8 tu.

CERITA KAWIN.


Gamal adik maya melah pinang petunggal aku Jimmy seduai bini ia Eva. Cukup gaga adik pama utai bakatu. Peluang ia explore ruai nya.




Begambar enggau pengantin, acara wajib wai.



Jimmy enggau Eva. Ngajih ke seduai bulih berkat ari pengawa ke melah pinang tu. Senang lantang, bulih purih ke manah.
Nya meh cerita maia ke pulai Gawai tu kemari. Nadai entu rami kami serumah laban nadai maioh bala pulai.

6 comments:

Lyana said...

Rami mai kita begawai di menua neyy! Rindu meda pemayuh ikan ulih bala mansai.

bibie said...

Hi Guchi Mas,

Selamat bekelala. Suah ga aku nemuai agai blog nuan tang enda kala meri komen. (",)

Nyau tekenyit meda gambar aya nuan ke kerja MLNG nya, tapak aki kami nya. Bini ia (Indai Carlis) nya betunggal ini aku.

pua kang kang said...

ok im trying my best to understand the article.. he..he..i picked up few words in iban but i guess i can work my way through as the Iban language has similar phonetic modular with Malay language..

for now Nadai faham..he..he..

Mama Doyee said...

Lyana- ga ia wai rami berikan kami Gawai tu.

Bibie - neh mit menua. Enti pia ukai urang bukai meh kitai. Apai Carlis & indai Carlis nya jadi diri petunggal bala meh kitai tu. Ni addrs blog dek wai?

PKK- he..he. Thanks fr visiting my blog and became my follower.

bibie said...

Mama Doyee,

Nyau ber'ibuk' meh aku ngangau ke nuan enti pia. (",) Enda nyangka ga tetemu ke bala diri empu ba dunia siber.

Aku bercousin ga enggau Indu Kayan. Apai aku madi indai Flo.

Tau meh ngabas blog aku, m2mandme. blog aku tunggang terbalit ibuk, laban maioh gik cerita ulah ba office. hee..hee..heee

Indai Dara said...

lawa sida ia neh pulai ke menua nadai betali alau - aku lama mat ga enda nyenguk dunya cyber. ila bisi kami agai rumah panjai kita ti pengawa bala nadai penangul ( anak petungal aku bekaban engau anak x TR kita - kin kami ila ama urang nyadi betunang wai)