Selamat Taun Baru ngagai bala maioh. Baka ke selama maioh bala kitai bela ngembuan azam baru maia ke nyambut taun baru tu. Enti ulih bela ngulih ke diri empu utai ke badas utai ke meruan. Baka enggi aku suah endar azam taun ke udah enda kala ulih di tembu keh. Laban aku ke bisi ngembuan semengat 'angat-angat tai manok'. Kuat semengat tu lekat ba aku anang dek. Nya sigi agi, semengat 'anang guai dulu'. Ari suba nya ari mit. Enti di asoh indai, apai, "anang guai dulu". Kadang-kadang alu enda digaga meh utai diasoh urang nya. Nama kebuah? Tembu macha bup Bambino (nadai agi bup tu diatu), macha katun Gila2, macha komik perais ruti ( bup mit -nadai agi meh aku meda ruti perais komik tu agi). Nya meh ulah aku. Nasit suba nadai Astro wai, enti enda pia balat agi pengawa tergendala. Aqila bisi endar murih ke ulah indai ia tu.
Baka papa ia last year empu azam bisi endar udah di ulih ia. Ka kurus udah ga bisi insur, business ok - bisi ga insur, (nya meh ngasuh urang makin sibuk),. Manah enggi ia ulih magang laban ati ia ransing sereta enggai alang-alang ngaga pengawa. Jealous ga aku meda. Kitai burok sigi nadai utai ulih deh - ko indai aku. Amat nya deh. Pua tampong digaga aku taun 2002 suba sampai diatu disimpan didalam nyemari. Nyau bekuap. Kati ka ngubah perangai tu neh?
Nya baka ke taun 2009 tu siti aja azam aku - hoooha! Asoh bagas,asoh rengkas, asoh sikal, asoh bebendar aku tu. Awak ke semua pengawa aku nyadi, semua utai digaga aku badas. Nya baru ia. Nya aja azam nibuh maioh. Kelai utai di kingin aku ila dalam taun tu nyadi ka aku nyintin ke ia ba ujung taun 2009 tu ila. Eii amai pemadu.
4 comments:
Selamat Taun Baru ke kita menyanak ! gayu guru gerai nyamai..
Dini menua nuan di S'wak, wai? Rami kita ngintu Christmas tu tadi?
Selamat Taun Baru ngagai kita sebilik mega. Arap ke bulih tuah bulih limpah lebih agi ari taun ke udah. Ba Marudi kami dalam bahagian Miri. Enti kala ninga kuala Baram (pelaba ke aku Puteri nemu deh) nepan express ngagai menua kami ke Marudi kin. Bisi ga jalai alun tang enda manah, enti ka jampat agi ulih nepan Twin Otter kin dalam 15 minit datai. CHristmas ba menua sigi rami wai Lyana laban apai & Indai sigi kuat ba pengarap Christian deh. Kami menyanak munyi ko aku nganu papa ia rami 'makai'.
Nama nganu ia makai, enggai ke put on weight baru ? Eh, nadai hal, maya rami...enda ulih tagang, ngasai ke diri pulai ke menua tu tadi.Datai ditu baru, berunding ka muai excess nya, ka jaku !!!!
....BIL aku ka bansa melayu nya, nadai meh milih utai pakai, utai panduk kitai iban, semina ia enda nyengkau lauk ke siti haram ba sida ia, berimbai mangkuk enda meh ia duli. Ba aku madah ke sister aku nya, untung ia bulih laki ia nya, ia ga manah ati enggau kami sebilik.
Amai munyi ko nuan nya Lyana. Balat amat aku tu overweight diatu udah beranak ke Aqif tusah amai turun. Amai untung sister nuan nya neh. Baka Papa iya kenya meh enda ia entu ngira adat sereta agama kitai Iban. Mina iya milih makai.Enti pulai ke menua aku ke enggai mai ia laban kiruh ke berapi ke utai minat ia. Lauk kitai Iban enda entu urang menua. Alah enda lauk pedas meh. Sida indai enda tan ga makai utai pedas. Enti pulai apai tuai nya ga gago lebih alah sida anak. RIndu endar iya sebelah rumah panjai. Nyau stress ko iya.
Post a Comment