Tu cerita mantai ke pemedis ati. Udah 2 ari Astro ba rumah kami nadai. Nama kebuah? Ukai setegal enda bebayar, lebih bebayar bisi. Suba Papa ia subcribe 2 iti Astro, decoder siti engkah ba atas kena anak meda katun, decoder siti ba baruh kena indai meda Desprate Housewife. Anak asi Papa laban ka buyan enggai kediri meda katun malam ari ba atas laban semua urang tuai meda TV ba baruh. Udah nya aku ngasuh papa ia terminate aja Astro ba atas nya. Nadai guna, agi ga belaya enggau anak ba baruh berebut ka channel TV.
Lalu datai meh penusah, raya ga pemeli sida ka gawa ba Astro neh! Aku tu keja ba customer service meh, nemu aku keni kitai ngereja pengawa, nyalur ngagai jalai ke betul.
Nyadi termination decoder siti nya udah 3 bulan papa ia ngasuh ASTRO ngaga, enda nemu cerita engka udah meh nya. Tang bill tiap bulan agi ga mengkang datai, bayar papa ga. Enda liat majak mayar papa call ASTRO baru, nanya ke status termination. Enda ga CS (Customer Service) nya nemu enggau ia. Padah nyentuk ga lumur kad 1 enggau kad kedua nya siti-siti awak ka sida nemu ni bagi.
Sekali pagi kemari on TV ba baruh nyau nadai service agi. Parai kitai! Lain utai di asoh terminate lain ga utai di terminate. Ni enda ngasuh ati pedis. Telefon baru nanya nama kebuah terminate ke existing decoder nya enda ga sida nemu nama kabuah. Check ba technician sida nemu kita nama reply sida. Enda ulih maca message ke di sampai customer! Apu! Raya pemeli-meli. Cukup simple utai nya. Terminate kad 1, kad ke 2 nya agi dikena. Udah ga lumur kad nya dibaca. Udah nya Papa ga di anu sida. Apahal?! Tadi sida madah nguji resolve problem nya try on tv baru pagila.
Enda ngawa sida ia. Pagila enti enda ulih, pegila sida ensepi. Aku enggai di main-main sida. RM 300 bebayar kusung. Ia ka ba atas nya sigi lama enda ulih dipeda. Kitai ka mayar service sida, kitai ka dianu sida. Papa lembut ati, bejako manah-manah. Aku enggai di kembeli ka CS nya. Laban aku ngasai aku kala keja baka sida nya enda aku kala nganu customer. Nyema ringat ke customer jai udah ngeletak tel ga aku nyumpah sida. All call recorded, kumbai sida enda nemu aku. Nya nyadi appraisal sida kena ngulih bonus. Sigi perak aku sida pegila. Tanya ke nama penuh CS nya ngambi nyamai ngaga complain. Utai simple bakanya pen enda nemu ngaga solution. Nampak amai nadai kaul manah Dept CS enggau Dept technician sida.
Enti nunda nadai masalah nya ulih drag sampai 3 bulan. Enti dek enda bebeli madah ke Technician nama penyalah sebenar. Sigi ka tetuyu sida ke gawa ba ASTRO tu deh. Bedau customer complain bedau sida lengkas ngadu ka masalah tu. Engka rindu ninga customer reraouh ba tel kini?
Pedis amai ati aku. Minta ampun bala maioh, sigi sengaja nulis ditu kena mantai ke pemedis ati.
6 comments:
apuuu....pama mamadoyee ney...enti udah ringat..hehe..amat bisi endar point nn nya wai..diriempu pan enggai meh digaga org baka nya...kapa enda! embal ke aja pagila ...jera enda nemu diri...cukuppp!!!..org ba SC Astro nya..ukai deka ngapi nuan tu ...hehe..
aku kala meh baka nya suba...,laban bisi 2 iti akun..siti di kena ba rumah panjai di menua diin,siti dikena diriempu..ditu..puas bekelakar nerang ke utai...
Ga ya wai. Ringat meh kekadang. Nasit ulih nyadi. Enda pia sigi meletup deh. Nama enda ulih ngabas blog nuan.
hhmm...apin bisi courage ka publish iya..hehe...ngujix draft dulu...& kurang idea dia ga!kiruh enggau urg.ngeruh ai ba Rumah panjai.com diin,uji nemuai meh kiin..
Enti aku pia meh Mama doyee..sigi aku perak/penggar sida ya..Aku sigi sensitive amat enti orang enda keja enggau betul alu kitai sebagai customer di salah ke sida ya...
Pama ga aku alu enggau ringat hahaha
Nya meh Debbie. Geli ati aku ninga nuan madah enggau ringat. Gidan ati anang dek.
Nya iya... Mama Doyee, I feel your pain. Aku maya mula ngambi TV baka Astro (SKY enggi kami ditu) ba menoa ribai tu suba, naka penyampat maya ngorder. Datai terus. Udah nya bisi problem, apu.... pengelubah sida ngadu. Kitai telefon semak sepuluh kali seminggu, di cas ba bil kitai magang nya, lalu bedau2 settle ga utai nya suba. Semak dua bulan nadai bulih channel, tang aku mayar ga.
Enda datai enam bulan udah nya, diterminate aku terus, ditanya sida nama hal padah aku terus terang 'your service is very bad'. End of story.
Post a Comment