Kala kitai meda ulah mensia maioh nyelai sereta ngasoh kitai berunding. Pemuas ka nadai pengawa aku lalu tefikir ka ulah mensia. Uji kitai meda sereta sama berunding.
1. Bisi urang burok peda kitai. Enggai ngemas rumah, malas berapi, malas ngintu diri TANG enda kala malas nurun gawa. Reti nya mina malas ba ia empu aja, laban tedesak ia rajin nurun kereja. Maia gawa kereja ia baka urang bukai, enda tinggal, ulih ngaga nama utai di gaga urang.
Tebalit ga, bisi urang rajin ngintu diri, bajik gamal, wangi belama. Rumah kemas, utai teratur TANG, selalu ngaga MC kediri maia kerja. Lembau nurun, maioh alasan ngaga pengawa.
2. Bisi urang rajin merus ngeli, udah makai di berus ia ngeli. Kini2 di bai ia berus enggau ubat ngeli, TANG tuboh ia bau tengong! Kati ko nya?
3. Bisi urang pandai. Belajar pandai, untak cergas TANG ia milih jalai salah. (Baka kes Sufiah. ) Kitai berunding, enti ia beli, ia paloi urang enda nyebut ia. Pandak runding ko urang. Bah! Kati ko kes Sufiah nya deh? Enda patut runding ia pandak, tentu2 untak ia nemu berunding, akal ia bisi. Pintar gi ari urang bukai. Uji tanya urang ka enda school, nadai pemandai nadai siko ka milih jalai idup baka enggi ia nya enti di asoh milih. Kati ko nya?
4. Tu peda mata aku empu. Mensia tu amat ngenyadi, gari kena gawa beli sebelah pasar malam. Baju dalam kitai indu pen sebelah pasar malam meli. Makai ngenyadi TANG, ia sanggup meli kertas kena nyelap nyemari rega RM 90 segulung! Dalam segulung bisi 6 keping aja. Enti nyemari besai enda cukup segulung kena nyelap ia. Berunding meh kitai. Ko ia kertas nya wangi tan setaun. Kati ko nya deh? Nya aja utai mar sanggup di beli ia! Untong ia ba runding kita?
5. Tu ba urang lelaki ka nyadi tukang masak. Laki petunggal aku, gawa Offshore ba tasik. Kerja nyadi 'Cook' ko kitai. Tukang masak ba kapal meh nya. International compy, nemu meh kitai mandok pemakai Western sigi nemu meh urang. TANG, pulai ke rumah enda kala berapi! Enda kala umur idup aku makai utai di pandok ia! 3 Taun ti udah, enda nemu nama angin ia ngaga ka Indai aku Short Bread, nangka penyamai2. Kasih indai aku wai kemaia kala makai utai nyamai baka nya. Nyau letup2 nyawa ia nusi ka urang sebelah rumah panjai madah ka utai pandok 'Igat' ia nyamai? Kati ko nya deh?
6. Dr wai, ukai jauh tampong aku tu meh rumah ia. Kitai ka parai nyaga anak. Ujan kangau pulai, makai enti ulih utai ka berkhasiat meh. Enggi Dr tu anak mapar sebelah nya, moa anak pera-pera (baka aku kelia meh, kendas insak malit kuyu nyau chelum meh kuyu nya) baka nya meh pendiau anak ia. Rumah nibuh sebut penoh laban likau tulis anak ia. Seduai laki bini bela nyadi Dr. Engka nya betul kini cara ngibun anak. Enda meh kitai nemu. Bisi urang madah enti anak teleba kamah imune ia ari penyakit. Amat kini wai, jarang amai sakit asai aku sampai diatu. Enti Aqila aku nya taun 2006 suba 2 kali tama sepital. Sekali cirit (beresi ga asai ia) sekali angat. Udah ibun Indon keru urang raya sakit. Lapa meh ke beinsak mimit, tabin mimit nemu enda anak mit. Kati ko nya deh?
Aram kitai bela berunding. Pelaba aku bela bisi kitai nemu ulah mensia. Pelik meh nya. Anang ngambi ati bala maioh nyema bisi asai tekena mimit ba kitai. Semina mai ngenong aja. Setiap mensia sigi bisi ulah serta perangai pelik ia. Kitai meda enggi urang, urang meda enggi kitai. Enda pia?
6 comments:
haha..
no.2 nya dahsyat. ba tempat kerja aku bisis 'segitiga bermuda' laban bisi 3 iko org indu bau 'tengs' nya duduk dia. apu, nyau secara automatik kami netan seput enti bepansa..haha
macam2 ulah/perangai kitai mensia neh..ya ke no.2 nya nang selalu ditemu aku..gamal bajik amat pakaian ya nang beresi mar2 rega segala mala barang bilik ya beresi kemas tang bau tengong huh..enda tan aku ensium..bisi ga kawan kami suba bakanya siap kami madah nyuruh ya tukar deo sama ngau ti kena kami..gila kerja maia belajar suba selalu ngena ke rg..tang serius org B.O tok nang enda tan aku..h ya bisi siti agi..gamal bajik, selalu kak nganta kak ngena utai lawa tang gari lebih agi sluar katak ya apu..takut meda kamah amat baju samai beminggu enda dituchi bakani meh nya neh..
Nya meh Angelic & Dara amai maioh ulah mensia. Kekadang kitai enda sedar utai nya semadi urang ngerara baru kitai nemu. Tang nadai maioh ga urang kempang ngerara penyai kitai. Bisi urang ringat enti urang ngerara ia. Bisi aku nemu ubat muai bau tengong ah. Kapur raing ko sida indai jenama Agnesia ka warna merah nya. Apu ngasi amai wai. 2 iko udah 'Ama' aku indu Indon di asoh aku ngena nya alu badu bau tuboh wai. Ukai bula bisa. Kiroh ngena deodorant ka mar. Kapur nya pama beli botol besai lama ngena ia.
mansa sekejap aku wai, enda nyamai ga enda ninggal pesan.
Salam aja ney!
apu... pelaba aku rega deodorant udah niki wai.. enda tebeli.. nya kebuah bau tengong..
Wai mama doyee,
You are tagged!
Here are the rules:
1. Link to your tagger and post these rules on your blog.
2. Share 7 facts about yourself on your blog, some random, some weird.
3. Tag people at the end of your post by leaving their names as well links their blogs.
4. Let them know they are tagged by leaving a comment on their blogs.
Have fun !
Post a Comment