Tu meh tanya aku selalu lebuh indai ka selalu talipaun maia jam pukul 7.30 - 8.00 malam. Rajin urang tuai nya telipun diatu laban gagit ka nemu cerita uchu mit ia (Aqif). Malam tadi ia talipun baka biasa tu randau kami seduai indai:
Aku: Nama gaga kita saritu?
Indai: Manchit umai kami duai apai dek tadi. Manah ari saritu.
Aku: Nama lauk kita tadi?
Indai: Nya meh apai dek belauk ka 'nyumboh ngandung'. Ia enda nemu nyumboh nya ngandung ulih Rudy kemari.
Aku: Apu... geli aku ninga lauk apai nya. Amai bam apai tuai nya nadai enda utai ka enggai. Kati kita nemu nymboh nya ngandung deh?
Indai: Rudy empu nusi. Anak nyumboh nya di ais ia (tepu dalam peti ais) ka kena ia nginti lelabi.
Aku : Dalam ati....( kejam amai kitai Iban. Kasih amai jelu nya. Ia ga tudah ngandung, dibunuh. Anak ia bedau pansut pan udah nyadi mangsa ka umpan ginti lelabi. Nya amai enda nemu lembau nyawa.
Becerita pasal lauk apai kami sigi rindu makai exotic food deh. Kekadang kitai ka irau ka pengerai ia. Nyadi apai kami sakit 'glamor' ko urang baka darah tinggi, kencing manis etc enda enggau urang tang ia bisi pemedis batu karang. Nyadi ko lutor penyakit ia tu asal ari utai pakai ia. Ni enda nadai enda jelu babas ke enggai urang tuai tu. Sawa aja enda laban ka mali ko kenu.
Becerita pasal jelu ke lauk ba rumah panjai kami nembiak nama Rudy tu sigi tegar ngiga jelu babas. Ia tu meh pembunuh jelu lumor satu. Nadai ati sinu mensia tu. Tu dialog seduai niang aki aku ba kaki lima rumah panjai suba ka agi di kingat aku.
Niang aki: Bulih dek ngasu tadi Udy?
Rudy: Bulih aki. Ni enda bulih . Indai nyumboh benung nyandik anak ia di timbak aku. Dulu anak ia labuh aki nya baru indai ia. Aram aki enggau kami makai tunu nyumboh. Din ngintu ia tadi ba langkau ampun.
Bedau agi cerita ia bulih payau sekayu bilik benung nyengkubang sawah umai. Kasih meda jelu kekadang tang apa bulih buat, munyi ko apai ari nya meh bansa kitai Iban bulih Protein. Enti ngumbai meli daging serta manuk sebelah pasar enda maioh deh bala ba rumah panjai mampu. Sekali sekala ulih la enti nyau tetiap ari baka urang pemesi ngalu ka supermarket meli lauk dini tudah ulih.
Bah nya aja meh cerita lauk saritu.
3 comments:
Ngingat ke kisah aku agi mit kelia ke selalu kemisi ke rumah panjai bai sida apai-indai ku. Sekali lemai kami datai siku ari urang serumah nya pulai ngasu bulih anak kera. udah mati tudah, lalu di bela, tunu agi. Maya makai, nadai nemu lauk nya tadi dagin kera ba pinggai. Manah endar.
Tang jari kera enda lah ulih di pepat ga, lalu agi ketara nya jari kera, nyu entepa baka jari anak mit. Akairai, ingat aku maya nya, biar aku makai asi belauk ke kicap enggai meh aku negu lauk anak kera nya. Sampai diatu aku geli meda lauk nyelai baka nya.
Beside, anak ngut, sapi, manuk enggau ikan, enda aku ngidam ke sida jelu babas. Rindu meda urang enda milih makai, puas ga ngumbuk diri tang nyawa tu pedis endar di umpan!
sebaka apai tua wai mamadoyee, bai agik apai nuan enda makai sawa, engi apai aku semua masuk magang nya alai ba lami sebilek aku meh pemadu milih makai. indah manuk ga enda berapa. Semadi tunu ka ga. Ti ikan engau seafood bukai ka. Nya meh bala anak ukai ka makai utai bukai ama enda manuk. sayur pan pama ga nyawa aku milih ga ti sayur kampung kitai on aja aku sayur cina siti dua aja ka tusah ngira. Tekenang zaman agi sekula kelia nemu nama lauk aku ???? (telur guring, sadin pusu engau kari manuk aja lain2 ttidak ada dalam senarai hehehe)
Lyana- nya meh suba bedau convert enda meh aku enggau urang tekapa makai jelu siga. Bisi ati geli mimit. Tang aku ka amai makai rusa. Pedis ga ka makai rusa fresh laban enti enda sembelih enda tau empa. Kekadang sengaja mai papa aqila ngagai chinese restaurant ka halal laban ka makai daging rusa pandok gulai lia. Nyamai amai.
Andan- milih ga nuan makai neh. Ga ia ba menua latak tu sigi pedis deh ka makai utai macam2. Alah enda manuk nya meh. Apu.. geli ati ninga lauk nuan agik sekula suba. Au ah telu guring pancak kicap ko niang aki aku suba sigi menu wajib maia agi mit suba.
Post a Comment