Guchi Mas

Nasau kami

2011-05-11T04:53:00.000-07:00

Repa umai dek ko bala. Ukai tau di tebas agi nya nyu mai nasau bala sekeda. nyu ukai lalang agi ke tumbuh nyu kayu besai enda alah kusai. Bangat ibuk sibuk ber pisbup munyi ko ibuk kami, sibuk enggau urang begau ke umai belah Farmville.

Ka mupok meh aku begadai-gadai nepas ruai aku ditu. Pagila mayuh sebana ati ka dibantai. Hai wai langgai.

SICKO

2009-11-01T23:35:00.000-08:00

Apu.. lama enda ngabas sida ruai. Nyin aku tembu bejegau sebelah fb. Bisi cerita ka enggau bala maioh bekunsi.

Empai lama aku meda siti filem pasal health care ba siti -siti menua. Nama filem tu SICKO. Nyadi aku rindu endar meda hos programe tu Micheal Moore. Nyadi ia asal ari US tang ia balat endar bejai perintah ba menua US setegal maioh amai karenah pasal pengerai. Munyi ko tag line filem tu This Might Hurt A Little.

Nyadi filem tu ia bisi ngaga kajian ba US empu, udahnya ba Canada, France ,UK enggau Cuba. Aku pen tekenyit meda nama utai udah di pansik ia. Bisi endar ga utai ke di bantai ke ia nya ngasoh ati aku alit, ngasoh aku sinu, serta ngasoh ati aku geram.

Aku enda kala ke menua tasik munyi ko sida indai. Nya aku enda nemu kati gaya rumah sepital urang din. Kati gaya sida meri ubat. Kelia maia aku darjah 6 aku kala meda siti cerita Hindi (musim minat Hindustan). Apai hero sakit, biasa aa hero mesti urang merinsa, heroin mesti urang kaya. Dr ngubat apai ia udah nya ia nulis prescription ba kertas alu asoh ia hero tadi meli ba pharmacy ubat. Iran ati aku maia nya nama dr nya ngasuh ia meli ke diri empu. Nama hero nya enda ngambi ubat ba kaunter ubat ba sepital nya empu. Runding nembiak umur 12 tahun nama utai temu. Diatu baru aku nemu kebuah ia.

Aku ukai urang US aku enda nemu amai kati health care system sida din. Pelaba ka aku Puteri mesti nemu. Ukai ka bejai or ukai ka judge health care ba siti-siti menua tang aku sengaja ka bekunsi ke cerita tu. Enti nitih ka Micheal ia sigi enda setuju enggau system ba US. Nama kabuah laban sida amai begantung ba insurance policy. Enti dek nadai insurance, dek enda ulih berubat (enda ulih di ubat enggau manah). Bisi siti kes lelaki tu kena kepit mesin ba jari ia. Kasih endar kena dua dua piak jari ia. Kanan enggau kiba. Maia ia di anjung ke sepital ia madah ke diri nadai insurance. Udahnya nurse nanya ia sigi ni jari ka di selamat ke ia? Kanan tauka kiba. Sepital mina ulih ngubat salah siti jari aja laban ia nadai insurance. Apu...parai kitai. Pecuma amai enti kenya. Siti kes baby kena sakit angat. Laban ke nadai insurance sida enda ulih ngubat baby tu enggau lengkas.

Siti cerita ke sinu amai. Cerita urang merinsa tisi jalai sakit. Ia dibai ke sepital besai tang sepital enggai ngubat ia. Alu di anjung sida sepital ngena teksi ke rumah charity. Ukai cerita di gaga laban bisi cctv ngerakam gambar ini tuai tu. Kasih endar agi ngena baju sepital tudah. Ko urang ke jaga rumah charity nya sigi maioh kes sida sepital ninggal ke pesakit merinsa ba rumah kebajikan tu. Maia tu aku berasai beterima kasih amai ngagai perintah Malaysia. Enti enda pia kasih tudah sida aki ini sebelah rumah panjai din. Sigi nadai mimpi sida ka berubat.

Tang kitai meda siti ba US. Negara sida maju, facility ba hospital sida canggih, selesa baka private hospital ba Malaysia. Jauh manah agi mega. Aku enda ulih nyalah ke sapa-sapa kitai enda nemu nama plan gov US. Engka sida invest ngagai utai bukai ba rakyat sida. Pelaba ke aku kaban ke diau sebelah US din ulih meri komen pasal utai tu. Siti utai ke ditanya kati sida perintah ulih ngubat bala ke merinsa tudah ke enda mampu meli insurance.

Au, ngagai menua France kitai di bai Micheal. Apu.. kelalu ga pemanah-manah menua tu ari segi health care sida. Barang sapa ke udah beranak sigi bisi siko helper diberi free. Nulong maia lebuh ke baru beranak. Ukai sida mayar helper tu tang perintah! Urang ke nulung tu sigi ngaga nama aja utai di asuh indai ke baru beranak. Buan baby, masu gari, ngemas rumah, berapi ke indai nya meh. Nadai bayar! Pecaya kita? Ka nanya Lyana ga aku. Amai kini. Engka Micheal Moore tu kelalu ka bejai sistem ba US nyau kelalu ia ngelagu utai ba France. Sepital ba France baka enggi kitai ba Malaysia nadai bayar. Nyema bisi seringgit dua meh baka sepital Malaysia meh.

Bisi sekeda sida nyaut, ukai nama perintah menua France ulih nyedia ke semua nya laban rakyat ia mayar tax tinggi? Bah amai ke nya Lyana?

Udah nya di bai Micheal ngagai UK. Din bisi National Helath Service. Bisi sepital enda bebayar. Tudah ke nadai sen udah beranak pan di tambang ke sepital pulai. Siti utai ngasuh ati aku alit, ba sepital tu nadai kaunter bebayar. Bisi kaunter duit tang nya kaunter kena sida patient ngambi duit, baik ke tambang pulai tauka ke pocket money. Nya tu sebengkah. Tu aku ka nanya Indu dara Flo ke diau ba Aberdeen din. Amai nya kini? Tudah Micheal ke interview sida nyau di ketawa ke urang laban nanya berapa sida bebayar ba Health Service tu.

Utai mai aku berunding mega sida ka enggau nulung urang tusah lebuh Sept 11 suba. Maioh sida volunteer sakit laban bisi nyium abuk ke penyakit bukai. Sida nadai entu di tulung perintah ko kenu. Bai Micheal ngagai Cuba sida. Maioh kitai berunding Cuba tu negara mundur, maioh penjenayah tang Micheal mai sida berubat dia laban ubat dia mudah lalu service hospital free. Bisi sida mai ubat asal sida lalu meli ba pharmacy Cuba. Enti di US ubat yang sama sebutul rega semak USD200++ tang ba Cuba ka USD 2 aja! Tekenyit amai sida. Tang kitai enda nemu ga negara mundur kada enda ubat tiruan deh. Bisi ga aku suba tepeda ke documentary pasal fake. Ukai mina beg LV aja di tiru urang wai ubat pan kenya! Kenu ngasuh gerai nemu nambah ke penyakit. Pedis isi!

Last ia wai Micheal madah siti aja perintah US meri service free ba rakyat. Tang kitai mesti tama kia dulu. Berani kita? Prison Guantanamo. Complete ubat dia. Nyentuk ke alai endur beputung (operation room) pan canggih. Dr sedia ada.

Bah kati runding bala maioh. Enti amai utai ko Micheal, amai kasih bala ka nadai duit diau din. Enti batuk ngengapa tak meli sebelah pharmacy aja meh. Anak ke kasih enti lebuh maia tabin. Amai munyi ko indai, ia kala meli ubat darah tinggi ia ba pharmacy sekutak semak RM 50 rega ia. ba sepital sekutak free beri urang wai.

Minta bala kaban blog ke diau sebelah menua urang tau bekunsi runding ba cerita aku sekalitu. Ukai ka bejai menua urang tang ka bekunsi penemu, runding enggau bala maioh. Nya aja cerita sekali tu. Mupok aku.

Ulah Sida Anak

2009-07-27T19:54:00.000-07:00

Peda kita gamal Aqif nyau peluh nerusan ia tegal ke bemain 'sampai enda ingat dunia'. Lelak reraouh ngerara ia. Ukai sigi nemu jako deh anak mesai tu. Kekadang geram kekadang geli ga ati meda ulah ia. Peda mata ia kitai di jeling ia baru pama nganu ia.

Ngenung enda lama urang empu pama kitai ngerara. Sekejap aja kurang ari 5 second.

Asoh urang ngena skaf bok ngenat urang empu. Aqif sigi rindu ngena hair band tauka skaf laban ia meda aku sigi enggai jauh hair band. Perati ke idung adik, nya aset kami sebilik turun sepiak sida indai aku sigi idung besai. Ini sepiak indai kami cina, hidung mancung bajik gamal. Aki kami ke empu ke idung kembai besai. Kuat gen aki kami tu ambis bala anak, uchu, ichit ia murih ke idung ia. Mesti dalam siti family bisi idung bakatu. Ha..ha..

Niki sigi pandai. Bahaya amai ulah ia tu.

Peda moa ia ngenung ninga urang ngerara ia. Eii.. amai meh dek tu adik.

Nya peda ga ulah kakak. Pulai sekula ai alu start main sula/main macam/bedango. Nya sekeda bahasa ke temu aku nganu ulah kakak tu. Sebarang utai ke bisi dikena ia besula. Geli ati meda. 'Legi aku clean up mama' ko ia. Au meh nya, peda sebelah nya ga toys ia. Selalu ia kena anu setegal enda nemu naroh toys ia baru.

Dia pintu dia meh endur ia. Enda paham aku?

Nama enda runding anak aku tu kini?

Peda kita adik penyenak ia tinduk ba baruh nyut ia. Muai diri ari nyut alu nyambung tinduk ba baruh. Sigi gaya urang enggai jenuh.

Dini adik? Labuh ari nyut. Nya meh nyut enda tau tinggi alu di engkah tilam ba baruh ia. Adik sigi selalu muai diri.

Happy Birthday Aqif 11.7.2009

2009-07-16T20:22:00.000-07:00

Apu Birthday Aqif nyau gambar papa ga dulu pansut dulu. Sengaja engkah gambar ia benung makai. Go wild saritu ko ia. Madah ke enda berdiet meh nya. Pemadu. Pemaioh gambar Birthday adik ka siti tu aja meh gambar tudah papa. Tu pan enda nemu sapa ke ngambar ia.

Nya gambar Mama Doyee enggau Aqif.

Peda kita sapa urang ke nyepu cake. Sigi udah booking dulu urang empu sigi kakak nyepu lilin ka adik.

Adik happy aja maia Birthday laban udah 'muin' tinduk pagi dulu. Gaga urang meda cake enda sabar ka meruk kek nya kini?

Peda kita gambar ba cake adik bisi endar character cartoon nya baka adik.

Eii.. ngumba kediri adik 'digerami' urang ka ga ia. Trak ke di kena ia nya ukai hadiah birthday lama udah di beli sigi rindu ngambar ia benung nepan trak ia. Helmet basikal nya kakak ia empu nya meh nya colour pink. Utai pinjau.

Angan-angan urang empu. Pia pan.

Happy 1st Birthday Adik Aqif. Arap ke gerai belama, jampat bejalai, jampat bejaku. Wish untuk taun tu.

Cerita Rama Maia Pulai Gawai 2009

2009-06-18T03:46:00.001-07:00

ULAH ADIK

Hooray! Best meda utai ba ujung bilik tu.

Nama gaga dek ucu? Ko inik. Pasuk ke dek tanggui tu neh!

Adik ngenat aja digerami urang.

Tu menyadi ini aku bilik sepiak. Cukup mentas ini tuai siko tu. Aku enda kala ninga nyawa ia besai nganu bala ucu ia. Umbas ia ga pemanchal bala sida sepiak. Maia rami tu nyau beterauh sida ia. Munyi ko ibu aku sampai 3, 4 kali sida nanggar ke asi dalam seari. Lapa deh. Maia Gawai aja bansanya, enti apus Gawai bala pulai tinggal sida 4 aja, ini, aki ,ibu enggau aya aku aja. Baka sida apai meh nya, mina aki aja ke udah nadai.

Peda gamal Aqif ngena tanggi. Ngenat urang empu.

Nama mama? Udah besai aku kah?

Kakak enggai alah. Aku ka meh ngena topi nya ko iya.

Kakak, Aqif enggau ini kami. Tuai amai tudah. Kasih meda gamal ia. Kuat amai kerja urang tuai siko tu. Enggai jenuh, badu bumai ngiga senggang ga sida ke tikai. ENda nya, nyau ga sebelah ai mansai. Amai pemadu. Jarang amai aku meda ia tinduk siang. Enggai jenuh dek tu. Ko aku nganu ia. Am ke KL dek enda dek maioh pengawa din! Eii... mati aku din, Ko iya ga. Neh enda gawa mati pia?

CERITA NGELALU TEMUAI MAIA GAWAI.

Bisi bala reporter niki rumah panjai sida apai serumah lalu begari kena ngelalu ke temuai. Kabuah bukai laban sida ga promote rumah panjai sida ti udah dipilih enggau program Homestay.

Maia tu benung nunjuk ke cara betenun.

Tu sida benung demo ngaga penganan tatuk. Balat belakun tu ko sida ke tuai. Ukai tau meda utai nyelai deh.

CERITA BERIKAN.

Apu... peda kita pemaioh ikan. ENti ditimbang bisi ka seratus kilo dipelaba ke aku. Nyadi sida menyadi aku baum berikan udah tembu begawai. Nadai sida nyangka bulih ikan bangat ngemayuh nya laban lama enda berikan (sida gawa belah negeri, maia bisi rami aja ke pulai). Nyadi kami ngumbai ikan tu ikan bawan. Ba menua kitai sebelah Kapit nadai ikan tu wai. Ba menua kami ba Baram bisi. Menua pelilih bukai enda aku nemu. Bisi ba kita dia Endun Belalai?

Aki apai rilek meda urang magi ikan. Perati ke jari iya nyepit insap. Ngentut ke diri. Pama pala bisi sebingau mimit lalu minta insap urang meh iya. Engka nya cool kini sepi iya ngirup sambil nginsap? Peiii.. pemadu ko indai. (Aki apai ukai urang nginsap)

8 iti raga nya pemayuh bagi sida. Tubuh lapan ke pegi berikan. Balat menua endur berikan nya ko menyadi aku ke lelaki. Lagun nadai entu pantai. Nya meh sida seari-ari berendam dalam ai. Nurun sida tumu pagi nyau malam baru pulai. Ka enda alah san sida ikan. Seduai petunggal aku laban ke jarang enggau urang pengawa tu nyau minta saup ngesan sekeda ikan ke di bai seduai. Nama penyadi. Bedau agi tetingkap, kaki ka cramp meh ko kenu.

Nya begau manah kami serumah. Enda kala meda pemayuh ikan bakatu ko sekeda. Musim kemarau tu sigi ka maioh ikan deh.

Nya gamal sida ke berikan. Menyadi aku ke lelaki bediri mua ke kanan sekali enda bebaju. Petunggal aku Lee bediri mua ke kiba lumur 2 betupi. Agi kita ingat ke cerita 'Rudy' aku? Nya Rudy duduk mua ke kanan ngena tupi. Ia meh ke nyaup sida ngesan ikan ngemayuh nya. Enti nadai ia enggau petunggal aku ke bediri 3 ari kiba sigi enda alah bai sida ikan nya. Aya aku ke gawa ba MLNG ngena baju kuning duduk ari mua paling kiba. Ia tu anak ini aku ke mentas tadi. Bai iya raun ini enggau aki singkung kami nya ke KL ila dalam bulan 8 tu.

CERITA KAWIN.

Gamal adik maya melah pinang petunggal aku Jimmy seduai bini ia Eva. Cukup gaga adik pama utai bakatu. Peluang ia explore ruai nya.

Begambar enggau pengantin, acara wajib wai.

Jimmy enggau Eva. Ngajih ke seduai bulih berkat ari pengawa ke melah pinang tu. Senang lantang, bulih purih ke manah.

Nya meh cerita maia ke pulai Gawai tu kemari. Nadai entu rami kami serumah laban nadai maioh bala pulai.

Selamat Hari Gawai

2009-05-27T19:56:00.000-07:00

Nuju bala kaban semua aku Mama Doyee meri ucap Selamat Hari Gawai, Gayu Guru Gerai Nyamai ngagai semua kaban blog ke bisi ngabas blog aku selalu.

Baka selama pama begawai aku start ngaga biskut. Baik nyamai, baik enda empa aja. Sida ke palau nadai nemu utai enda nyamai deh. Peii... amai pemadu. Peda kita gamal biskut aku ba baruh tu ia ke terubah. Besai sejarah biskut tu. Resepi tu di temu aku ba bup resepi indai kena taun 1994. Baru berangkat dara tudah tuai. Alu dibai aku petunggal aku nguji. Nemu kita semua sepatutnya biskut tu dalam bentuk roll. Alu enda nemu meh tudah aku ngaga roll ia nya nyentuk ke diatu. Berapa taun nya udah? 15 taun! Apu enti disama ke enggau umur anak udah dara!

Bah! Nama kebuah ka amai ngaga ia deh enti bangat 'kelangsang'? Eii.. kati deh, nyamai-nyamai biskut tu. Bau rengut laban gulai esen ros. Pemuas ia ta diambi aku cuan tart nenas , nehhh... nya penyadi ia jem tepuk ngengapa ba atas cuan ke belubang mimit nya. Nya meh kebuah gamal tudah biskut pepera. Enda ngawa gamal jai tang nyamai (muji diri). Ke betul ia jem nya digulung urang dalam cuan biskut nya. Pemadu dek enggai enda enggau urang ngerami diri ngaga utai.

Sapa bala kita bisi tip (alu padah ke enggau cara ia) ngaga roll (biskut gulung) padah ke aku neh. Bisi ari aku ila meri kita resepi biskut Reroda Jem tu .

Tu gamal biskut nestum aku. Aqila cukup ka laban bisi colourful rice ba atas ia. Jeput ia lelubah sida rice nya baru negam biskut. Enda ampit enti anak aku berebut enggau urang makai biskut tu. Bisi ngaga almond London aku nadai ba gambar laban udah di seal aku container nya alu ditepu dalam kutak. Maia baru mansau enda ingat ngambar. Pemuas ke ngaga 2 macam biskut nyau angus motor mixer aku. Benung aku tetungging ngagat ke oven sium aku utai nyau bau 'rum' ko ini kami. Peda nyau berasap tudah. Apu... kasih amai mixer aku nya. Hadiah baru jadi enggau papa suba nya. Ia nemu aku urang Sarawak, sigi gila ngaga kek lapis. Bah kati ko tu deh ko aku. Bedau biskut sekeda badau digaga, perengka udah dibeli. Enti di simpan nyau semun sida almond.

Sebana meh ba papa. Aroh nyau angus mixer nya ko ia, berapa kali Hari Raya, berapa kali Hari Gawai, berapa kali Christmas, berapa kali Birthday Aqila (tuai ari Aqila umur ia). Beguna ke ia. Aram meli baru ko ia. Tang bisi syarat wai, dek ngasoh aku bemalam ba Muar laban tumu pagi aku ka ke Melaka enggau urang tournement golf ko ia ga. Neh, upah ngasuh ia pegi rupanya. Au ajalah, lantang ga aku ngaga biskut nadai nunggah ia ujung minggu, ko aku.

Gambar mixer lama aku:

Tara.... nya gamal mixer baru aku. Canggih wai, enda ragak, senang dituci, enda lama ia ngepuk butter enggau gula sekejap peda udah kembai. Amai lawa aku, untung kami duai meli laban bisi offer. Kumbai aku bula indu ke nyual nya, enda puas ati nyau aku ngagai kedai bukai amai ngena rega lama ia. Rega amai enti enda salah RM 1200, enggi aku meli RM 999 aja.

Peda manah ko papa enggai ke angus baru ko ia. Uu.. utai sagi aku tu ko aku nyaut ia. Hai wai, memula aja ila entah meh?

Bisi enggau blender sekali. Amai lawa ko aku. Eii.. ayam baru aku tu sigi steady.

Nya gamal kutak ia, brand kenwood. Ni maia ngena ia baru? Nyin Raya ila. Enti bisi urang buan ke aku sida Jang bisi meh aku ngaga utai. Enti nadai, kirum salam aja meh. Alu ba pucuk meligai kabinet din meh ia.

Bah engka tu cerita ka nyambut ari Gawai ari kami sebilik. Mupok kami menyanak ke menua kena 29/5/09 tu. Enda sabar ka pulai. Selamt Hari Gawai semua.

Disney on Ice Concert

2009-05-08T21:45:00.000-07:00

Souvenier ke paling dikerindu Aqila. Ia sigi minat amai Ariel. Ari semua princess Ariel paling bajik ko ia.

Duduk dulu, nganti show. Lelak bejalai ngelawa stadium ko Aqila.

Begambar ngambi view prop show.

Maioh gambar tang nadai entu manah laban kamera mama dikena seduai. Kumbai papa enda tau mai kamera besai tama ke stadium nya. Amai pemadu sigi baka 'urang enda kala'. Kasih amai. Nya Ariel benung di sagu ke urang. Belakang aja peda.

"Sebastian papa!" Ko Aqila reraouh. Flaounder ikan Ariel bisi. Nya ia gaga agi. Ambis show ka enggai pulai urang empu. Enda berentak meh nya. Kasih tudah anak.

Tu pelaba ke aku benung ngeso ke Beauty & The Beast, princess Belle. Laban bisi katun dian dia sapa enda nama.

Seven Dwaft - snow white.

Mickey & Minnie.

Ila bisi rezeki meda baru anak. Enti maioh gi rezeki kin kitai ngagai disneyland ba paris. Nya berentak agi. Arap ke meh.

Nyaut Tag Christ

2009-03-10T20:07:00.000-07:00

Cerita purse.

1. Gambar utai dalam nya:

Gambar Aqila & Mama maia ia umur 2 bulan pulai ari klinik. Agi bisi kad credit bedau di lucut ke urang jawatan (papa nyadi menteri kewangan) . Ia ke bukai udah dihapuskan 'no more hutang'. Enda alah di gagai along kitai. Ic enda tau nadai wai. Puas diau di Malaya tu di kumbai urang indu Philipine, indu Thailand. Banyak bahaya oo. Jako ga enda sebaka enggi urang. Maia nganu anak sebelah pasar sigi jako Iban kena ngambi berentak agi!. Kebukai kad diskaun , kad ngumpul point munyi ko Lyana. Kad bank, duit ka berapa ringgit. Pia pan. Oo ic Aqila seduai Aqif, kad insurance kami menyanak, nya ni enda 'gembo' purse nya semua mama nyimpan. Macam-macam ada, lesen driba, kad appointment enggau lutor, kekadang sida gula batu sida anak pan enselit dia.

Nya gamal purse tu. Bisi 2 taun udah dikena. Nyau bekerak, kemari kepasar malam lenjun di empa ujan. Brand Braun Buffel, rega enda ingat, tang ulih ngagai butik ia untuk polish leather . Enggau aku tu tau nibuh ngemalu diri aja mantai ke ia nyau bekuap. Nya aja meh cerita purse.

Nadai ngetag urang ambis diambo sida Christ, sida Lyana sida Cath. He..he..

Gerubi Tuai

2009-03-09T03:58:00.000-07:00

Anang beduan aku, anang nuan nundi aku. Ila aku bajik, lawa enda nyalah-nyalah di sema urang baka gerubi tuai. He..he.. nama buang tebiat Mama Doyee tu? Bah ka ngelawa ke diri meh ko kenu ke tu. Puas amai dikelesei ke papa ia. Baka 'aso tuai' meh ko iya. Ukai nya bula deh besai. Eh dek indai raya ga pemedih ka ngelawa ke diri.

Ukai nyamai-nyamai wai makai musti kuntrul, minum musti kuntrul ati pun musti kuntrul.
Aku enggai bai papa ia makai 'Herbalife' kena ngenyang ke diri. Eii.. utai bepupu-pupu, melutak-melutak enda temu asai nya sigi jeluak aku deh.

Bah aram meh supping kena nyetat ke enjin. Jeles ninga indu cina muji papa slim ulih ngena saiz 'M' amai udah kawin. Peii.. kena ia ngelaku ke barang ia nya ko aku nganu papa. 'Enda aa, sigi amai' ko Papa. Pemadu!!

Nyadi Papa ia suba ngagai Japan nitih ngaga survey company endur ia gawa. Dia ia di beri company partner sida ba Japan WiiFii kira ka gift ngagai sida. Consider 'corporat gift' kah nya? Enda patut ko dek. Maia nya Wiifii sigi bedau bisi di jual ba Malaysia. Satu hal ga semua instruction ia ngena jako Jepun. Ngerembang aja meh meda instuction ia nya. Aku sigi enda minat ke game deh. Kapa aku, baka urang dadak jejengkak ngayun ke jari, kaki main boling, main badminton. Laban sigi enda minat sukan. Papa ia sigi baka, rindu enda lama. Pengujung ia 'but' meh tudah Wiifii ba teluk TV.

Nama kena mengena Wiifii tu enggau kurus? Ooo ada, ada sebab. Peda kita cerita begambar tu.

Peda gamal console Wiifii tu kediri-diri ia ba teluk TV . Bisi setaun udah enda kala di kena. Ta naka-naka.

Pulai shopping lalu begambar. Nama utai ba plastik nya?

Tara.... Cd kena 'workout' wai. Eh, ukai enda ulih di pasang ba wiifii tu kena ba TV. Kira back up mission. Hai wai! Maioh macam CD kena ngaga workout kediri ba rumah, aku rindu ke bisi aerobic, maioh urang rindu ke yoga, pilates, tang aku sigi urang tuai tetap minat ke aerobic. Berentak gi munyi ko ini. Yoga & Pilates nya nyau baka bebelut kitai empikap enda temu tuku. Eh aku ke muntat deh enda alah tegaga ke ia empu stail. Eii ringat urang ke practise yoga ke aku.

Nya peda kita baju kena aku ngingkak ke diri. Bisi sale wai. Tanchut enggau baju bela 30% less. Bala kaban ke belah Australia, California, France, Scotland sereta sebarang alai, ka nesau kita Malaysia benung Mega Sale diatu. Kitu aram .

Nya tu ia utai di beli tadi. Wiifit. Amai pemadu. RM 499.00 bisi promosi ko. Enda nemu promosi apa nadai ga madah less. Sigi baka kami duai papa pama meli utai ta nadai betanya nyentuk, ati ka ambi terus. Eii... keni meh gaya neh?

Nyadi wiifit tu bisi diberi ia enggau CD ia sekali kena yoga ulih, main skate ulih, kena ngaga strength ulih aha.. areobic pan bisi. Bagus, bagus. Nyengala meh aku tu? Angat-angat tai ayam tusah deh! Anang enda dek ngena tu ko papa. Tengkuk aku kening dek pama dek enda beamat-amat. Parai kitai!

Peda meh result ia ila. Bisi ari aku upload gamal aku diatu, udah nya enti bisi result kurus ila aku ngeso ke kita. Pama bisi 2-3 bulan nadai ga ngeso ke gamal kurus enda complete meh mission nya. Laban sigi enda berapa deh. Bah bela ngucap selamat maju jaya meh bala kita semua ke aku. Oha! Arap ke mujur . Dek, dek apai ulun ko bala ari Kapit.

Kena Merindang Ati

2009-02-17T18:48:00.000-08:00

Bisi sapa-sapa ke ngemai anak ngagai Disney On Ice? Princess Wishes agi nya. Lama amai wai udah ngining anak urang siko. Rega tiket amat pemadu. Iya ke mudah amai rega RM 55 dikumbai sida ba category 3. Nyin ba belakang pentas. Enti ta senayau gambar tudah Princess di peda nadai entu untung endar ga enggau urang berebut meda. Ermm... kati keh? Bangat fanatik Aqila siko ke sida princess tu deh. Parai dayah ke sida anak.

Anang guai dulu berunding ke pemerindang ati sida anak. Nyah tu kena merindang ati Papa & Mama iya. Puteri Gunung Ledang The Musical. Ka meda agi sampai ujung minggu tu. Rega tiket iya amai pemadu meh. Tang kami duai papa benasit baik laban tiket urang sponsor. Sekali agi aku ka madah tiket urang sponsor. Mai tubuh diri aja. Ermm.. laban aku tu sigi urang enda entu rindu ke cerita stail musical tu enda maioh bintang beri aku ari 5 kira ke 2 1/2 aja. Kabuah lapa? Proop iya munyi ko utai enda maioh. Boring ga meda gambar yang sama. Udah nya aku enda entu rindu meda Puteri Gunung Ledang nya empu ke di lakon ke Tiara. Munyi ko Papa iya Tiara baka ke perasan bagus mimit. Ba aku enda entu sesuai iya laban gamal iya tuai. Maioh artis Msia ke biak bebajik asuh nyadi PGL nya baru syiok meda iya.

Maia ka imagine meda moa Tiara apuuu spoil amai. Nyau asai ke tuai belama PGL di peda. Enti nunda ke jerita lama PGL enda nemu tuai sereta nemu ajih. Hang Tuah ke diambi sida baru sigat sereta ngakun. Apa -apa ajalah yang penting aku besemengat meda maia memula aja udah break 20 minit aku lalu ka ngantuk. Iya ga show ambis pukul 12 malam. Munyi ko apai enti mungkang meli kediri tiket ke lelembau aku tang nasit utai free on ajala.

Nadai begambar maia ba Istana Budaya enda ingat mai kamera aku. Papa iya enggai ngemai enggau iya enggai ke dikumbai urang press ko iya. Pemadu!

Bah kati enggi anak deh. Kasih tudah. Papa iya madah ngambi ati iya puas. Ila umur iya udah berinsur tuai nyau enda minat agi iya ke Princess nya. Kasih ke tudah benung siok amai ke semua sida Princess nyau ga Papa ngagai Rock Corner Mid Valley meli tiket.

Jeng jeng jenggggg......

2 tiket pleaaasee... nadai mama enda ulih enggau. Adik nadai urang ngibun laban kakak Sari (ama) udah pulai ke Indon. Arap ke Papa enda ngantuk meda sida Princess nya. Bedau kekari show nyin bulan 3 nyin ila. Tang ko Papa iya tiket nyau ka Sold Out da. Eeii amai pama bala nembiak kemaia ari diatu. Enti kami kelia nampuk. Peda rega tiket RM 160.50! Siko. Rega ke paling mar RM 225 di kumbai sida Rinkside VIP. Nyadi enggau kakak Aqila tu no 2 mar rega tiket dikumbai sida Category 1-Rinkside. Ni ko dek meh anak. Aku tuai ila enti kita bulih duit enggai aku enda dibalas. Pama endar neh enti ulih meda concert Lobo. Suba iya ngaga show ba Genting ingin ati ka meda. Nadai rezeki maia nya. Sinu ngenang.

Cerita Rama Nepan Bilun Mit (Twin Otter)

2009-02-07T07:21:00.000-08:00

Udah datai kitai anak. Barang bela ngambi ke diri. Peda sida ke gawa ngeluar ke beg ari dalam perut bilun munyi ko Aqila. Bedau kekari agi sekali da nepan bilun ke KL. Ta naka-naka meh kitai tu lelak berempas ngagat ke barang. Enti pulai ari menua ukai ka mimit utai de bai, mai beras, mai ikan, mai mulong, mai sayur iban (kemiding, daun sabung) nyentuk ke paung pisang pan di bai. Ni enda 'keruk' munyi ko ini kami. Leka ke dulu cerita rama kitai, ila nampung baru enti bisi ari. Mupok aku.

Akai daii.. Udah terengkah . Amai gelam semengat. Ukai nyamai nyamai di kuyas ke bilun tu. Atau seruran kelau-kelau. Aqila laban ke nyau nemu reti takut, tengkering tudah. Kasih ia enda memunyi ia nepan bilun tu. Pulai ngena bilun Miri - KL nya baru ia maioh utai pinta.

Jejimat dek anak. Bepegai ba lalau bilun nya. Udah kitai datai ba Miri.

Aku sampai diatu iran meda baby ka amai nepan bilun mit tu. Suba Aqila kenya meh. Tindok sida wai enda sida reraoh nyabak. Engka rindu di gusak bilun tu kini? Enti nepan boieng baru sida nyabak. Akai, engka nadai asai sepi tudah. Jenak tudah adik bai nurun neh..

Tungkah niki bilun ari Marudi. Peda kita Aqila enggai di pegai. Leluba urang menua. Nemu aku mama ko iya. Nyau ngerayap ia niki. Kasih tudah anak. Nepan express bangat ngelama nya ga sampai 3 jam. Ngena kerita takut ke jalai jai ga. Pemadu meh nadai ngena. Enti ngena bilun mit tu ka 15 minit aja ngenatai ke diri ba Miri.

Nya tu meh gamal bilun twin otter ke tepan kami. Enti enda salah ka tubuh 14 iko aja ulih nepan bilun tu.

Selamat Datang , Padang Terbang Marudi - nya lapa deh - padang terbang- kelia amai munyi ia. He..he.. pia pan. Maioh amai jasa padang bilun tu ngagai urang ulu baka sida ke diau ba Bario, Mulu ngagai kami menyanak mega. Nadai bilun tu enda nemu 'kadap' aku ka mulai ke diri ke Marudi. Nadai nakal nepan express, nengah jalai jai.

Benung nganti bilun. Peda senyum adik. Nemu amai bai betundi diatu.

Peda gamal ini megai Aqif. Enda nyamai ati ia. Nyabak belama pama meda kami pulai. Amai kami selalu pulai tiap taun tang ia agi seruran enda betah. Seduai sekumbang aku ke bisi anak nyau ka tiap taun ga ngagai kami. Bulan 4 tu ila bai aku kitu ga seduai.

Steady aki apai. Sinu meda moa seduai. Aku laboh belama ai mata pama mulai ke diri ke KL. Ukai belama pulai. Lama sampai sebulan pulai kekadang enda meh puas. Panjong ke apai indai nadai nya nyamai ati ninggal ke sida deh. Kelebih agi umur sida nyau tuai setuai. Kitai ke anak nyau majak semajak ga jauh ari sida. Apa bulih buat tu meh nasit urang 'belaki nguai' (Neh ko dek Ini Andan?) He.. he..

Memanah ke begambar. Anang bakanya. Ko aki apai. Urang tuai sigi enggai enda ready belama pama begambar. Enggai enda dipeda sigat belama. Pheii.. Aqila sigi pemadu deh. Enti enda kena mood ia kenya meh ia majak ngemilut ke urang.

Gambar Melah Pinang & Krismas 2008

2009-02-05T06:24:00.000-08:00

Sekeda gambar maia pengerami melah pinang petunggal aku Sophia enggau laki ia Frankie. Seduai ngintu melah pinang ba rumah panjai Sg. Brit Marudi kena 26/12/2008. Ngarap ke seduai bulih tuah bulih limpah , beranak beteresak.

Gambar petunggal aku, Velentina seduai Aqif ba ruai. Jarang bulih betemu tambah agi ia nitih ke laki ia ba Bahrain.

Gambar tusun enda betul. Sida indai ba rumah panjai apai Poyut, bendar urang poco-poco. Kasih mamaDoyee alah jamah ini sida ia. Sigi muntat munyi ko ini, pasal betanda anang mai aku, tengkering. Pemadu! Gambar maia sida ngintu pengerami Krismas. Ini ia ke ngena kebaya baju chelum. Pama urang tuai. Manah tu anak ko ia kena exercises. Endai indai enda chukup dek bepanas, beujan bumai. Pheiii..

Aqila, pama urang kawin sigi ia lumur satu. Empu aku bungai nya legi mama ko iya. Parai kitai. Ia ke ba belakang ia nya best friend ia anak menyadi indu aku ke tuai, Natalie Urai nama kechik nya. Uyai ko Aqila ngagau ke ia. Baka manuk seduai itit seduai berandau, lama-lama nyau nemu Aqila nitih ke tune jako sida. Lapa deh!

Peda dek kreatif kitai Iban. Pun kayu sebelah babas nyadi kayu krismas sida. Bendar menyadi aku ke lelaki nyadi planner maia krismas tu kemari. Nadai gambar tudah laban sibuk, ni ke palau. Amai pemadu!

Nya gambar ti dikerindu ke aku. Peda pengemuk. Lebau 'kadap'. Peda kita kechik 2 iko nya bebai bemain. Betelai telai. Kadang geli ati meda ulah seduai.

Nya madi aku keindu, Freda ngena kebaya draw ko urang. Anak ia Natelie, udahnya petungal aku Valentina.

Gambar pengantin baru. Ngajih ke seduai begulai belama ia , bulih reta, bulih pengeraja, senang lindap nguan menua.

"Cerita Ukui Kaka"!

2009-01-21T19:50:00.000-08:00

Sekali tu aku ka mantai ke cerita ulah mensia ke enda ngenang jasa, pemanah urang, jauh sekali ka malas utai ke udah diberi urang. Amai meh bisi sempama Melayu enda minta balas tang nemu-nemu meh urang ke udah makai budi nya!

Cerita tu ukai nyadi ba aku tang ba Papa iya. Lemai kemari lebuh kami menyanak bejalai ke pasar aku tepeda ke siti kereta dilekat ka urang sticker benama. Nama ba kerita nya sama enggau nama siko mensia ti cukup tekenal ba taun 2003 - 2004 enti salah setegal ke 'mensia Malaysia 'keterubah ulih nyemerai siti Selat ba menua kitai tu. Nama enda tau disebut enti bala bisi nemu rita iya tu suba, udah ulih nyagam sapa mensia 'betuah' tu.

Ketu ko cerita ia. Asal mensia tu sigi urang tasah, urang merinsa. Datai ke KL suba mai beg gari siti gegendai lalu ngiga badan korporat ke sanggup sponsor ulah iya ke ka nyemerai tu. Enda memukai ia bulih kaup ari kompeni endur Papa ia gawa tu. Lalu 'mensia' tu numpang diau ba rumah sida Papa iya. Maia tu kami seduai bedau jadi, Papa agi diau ba rumah bujang. Dia meh ia bebulan-bulan laban ke ngelubi pemesai ba kompeni sida Papa ia tu.

Kandang ke bebulan diau numpang sida, sewa rumah jauh ke enggau mayar, pia mega api, ai, indah makai pen di sangkong. Laban pendiau ia ga enda nyalah nyalah baka ukui kaka tesat nadai duit sesen ko ini aku. Jaku kasar mimit laban 'gerammmmm...'. Alim urang empu dini enda teperasa deh tudah sida Papa ia sebilik. Sida sekaban laban ke nadai maioh serumah ka 3 iko ngaum Papa enda ga kisah. Duit bela ngiga ke diri enti ke agi nyangkong mensia tu tubuh siko nadai masalah bagi sida 3. Amai pen enti dikira kos ia diau sereta makai dia dalam kandang beberapa bulan nya engka enda maioh, nyangka ulih di bayar iya, tang pemanah sida Papa sekaban ke siru ati ngintu pemakai iya, pendiau iya, sereta ngelayan iya enggau badas taja pan pangkat iya maia nya mina ukui kaka! Nyangka aku sampai diatu enda ulih di balas iya!!

Udah 'mensia' tu tadi bejaya ngelubi sereta selesai 'misi' besai ia ko kenu, nama deh gemilang enggau tebilang meh urang empu udah nya. Maia nya agi PM lama kitai wai. Laban ke pandai mantai ke pemanah diri (penapat inat meh nya. Kenu ko cerita, enti ninga rita PM tu bisi dini dini alai baik melawat ladang ka, melawat pasar malam ka, nibuh sebut sebelah Parlimen sigi dititih ke iya. Enggai ke pemesai tu enda ingat ke gamal iya meh jara) iya pan alu bulih gelar ti pemadu diidam ke semua urang meh udah nya 'Datuk"!

Ta naka-naka setegal ke nyemerai aja bulih gelar tu nadai endar sumbangan. Ketemu aku udah iya ke bulih gelar nya kira takah setaun kini neh nemu nya anak mit diri menyadi enti enda salah berumur 8 taun pan alah nyemerai selat nya. Nadai enda ngemeli-meli 'mensia' tu. Ukai beli, pintar. Salah besai PM meri iya nya gelar 'Datuk' utai ke mesa nya di ulih ke iya. Anak mit ulih meh ngaga pengawa ti digaga iya nya. Maioh kitai Iban sebelah ulu sungai din alah nyemerai ke selat nya. Ni sida ke nyelambau ikan, nyelam ikan besari-ari ukai bisi ngena oksigen nya.

Nya tu kebuah ati pedis! Udah urang bisi nama lalu bebali ukui kaka wai. Munyi ko utai ari breed ukui kampung nyau nyadi rottweiler deh. Ni enda ganas. Ooo.. laban iya ke lalu nyadi siko ari CEO (enda nemu nama tugas ke bendar ia) ba kompeni sida papa iya, lalu tepantai meh bulu siga ukui kaka tu tadi. Makai enda tau segulai enggau urang biasa laban iya 'Datuk' ok. Papa iya laban ke teleba begulai enggau iya suba maia iya agi kaka, agi ke tudah Papa sededah begagai, nundi iya, agi ingat ke cara sida ke begulai suba. Alu di sound urang tudah Papa. "Mulut dek jaga" ku 'mensia' tu . "Aku sapa peda dek diatu?" Nya lapa deh! Sapa iya?

Nya meh ukui kaka enda sedar diri. Mulai ke cerita aku lemai kemari laban nyau teringat ke ukui kaka tu aku lalu nanya Papa nama cerita iya diatu. Lama enda nanya ke rita iya deh. Ukai dek bisi syer enggau iya ko Papa suba enti aku nanya ke 'mensia' tu.

Tuk saut Papa, Kereta kompeni ke di asuh kena iya udah di tarit, dreber nadai agi. Tang gaji iya sebulan RM 10K agi OK! Ta pecuma meh RM 10K nya. Goyang kaki ba upis nadai pengawa kenu ko suba iya tu baka ke urang tengah kompeni Papa iya tu enggau Media. Kena ngaga promosi meh kira nya. TANG, ka iya pansut ba TV, ba Radio, Ba News enggai nyadi wai enti nadai utai temu ba kompeni. Ukai nya ka nyadi sebarang sebut. Dek sigi nadai pemandai, urang ngaga project dek enda kala involve keni dek ka nemu? Sapa pecaya ke iya?

Alit ga ati meda boss sida Papa iya agi sanggup ngaji ukui kaka tu. Uji ta buai sekali iya ari kompeni nya ulih save duit kompeni. Gaji paloi siko nya ulih di kena meri bonus 2 bulan ngagai 3 - 4 iko kerani ba upis sida. Amai sut!

Bah bakati ba runding kita? Iya maioh ulah sut tu ke bukai bisi di pansa pending aku tang lembau nyebut. Kaban papa iya ke 2 iko suba laban ke enda sama endur gawa raya agi di kereja ke iya. Baka ke enda ngelala wai. Pemadu, iya tudah 2 iku nya ke nyaup nuci seluar dalam iya suba. Amai pintar mensia siko tu. Tang nasit iya empai temu. Enti sekadar ngembuan gelar 'Datuk' nya, untak iya bangka, enda pintar ngulih ke duit empai temu iya ila. Economi makin pedis diatu engka sampah baka iya nya pedis urang ke ngembuan lama. Munyi ko utai bisi balas iya ila!

Taun Baru 2009

2009-01-07T17:28:00.000-08:00

Selamat Taun Baru ngagai bala maioh. Baka ke selama maioh bala kitai bela ngembuan azam baru maia ke nyambut taun baru tu. Enti ulih bela ngulih ke diri empu utai ke badas utai ke meruan. Baka enggi aku suah endar azam taun ke udah enda kala ulih di tembu keh. Laban aku ke bisi ngembuan semengat 'angat-angat tai manok'. Kuat semengat tu lekat ba aku anang dek. Nya sigi agi, semengat 'anang guai dulu'. Ari suba nya ari mit. Enti di asoh indai, apai, "anang guai dulu". Kadang-kadang alu enda digaga meh utai diasoh urang nya. Nama kebuah? Tembu macha bup Bambino (nadai agi bup tu diatu), macha katun Gila2, macha komik perais ruti ( bup mit -nadai agi meh aku meda ruti perais komik tu agi). Nya meh ulah aku. Nasit suba nadai Astro wai, enti enda pia balat agi pengawa tergendala. Aqila bisi endar murih ke ulah indai ia tu.

Baka papa ia last year empu azam bisi endar udah di ulih ia. Ka kurus udah ga bisi insur, business ok - bisi ga insur, (nya meh ngasuh urang makin sibuk),. Manah enggi ia ulih magang laban ati ia ransing sereta enggai alang-alang ngaga pengawa. Jealous ga aku meda. Kitai burok sigi nadai utai ulih deh - ko indai aku. Amat nya deh. Pua tampong digaga aku taun 2002 suba sampai diatu disimpan didalam nyemari. Nyau bekuap. Kati ka ngubah perangai tu neh?

Nya baka ke taun 2009 tu siti aja azam aku - hoooha! Asoh bagas,asoh rengkas, asoh sikal, asoh bebendar aku tu. Awak ke semua pengawa aku nyadi, semua utai digaga aku badas. Nya baru ia. Nya aja azam nibuh maioh. Kelai utai di kingin aku ila dalam taun tu nyadi ka aku nyintin ke ia ba ujung taun 2009 tu ila. Eii amai pemadu.

Pulai Ke Menua

2008-12-11T21:21:00.000-08:00

Nya bala kaban ka meri jako gerah aku ditu nesau bala maioh Mama Doyee mulai ke diri ngagai menua kena 14/12/08 tu. Pulai ngabas sida indai, sida apai bala menyadi kaban belayan. Lama pemulai sekali tu. Sempat nyambut Taun Baru ba menua 3/12/09 baru mulai ke diri baru. Arap ke ampit mimit musim buah ba menua. Bisi enda agi buah kini? Enda ingat nanya apai, ampit buah entimun iban nyadi meh.

Petang, repa meh menua blog aku tu dalam kandang sebulan tu ila. Enti bisi ari engka bisi ngabas ruai kita enda lama. Ka update engka nadai jalai meh tu mar agi diau ba menua pesisir (tang nyaman ooo... lauk manyak, ulang kelala manyak, makan manyak, ngumuk pun manyak nanti) amai aku.

Ngangai bala kaban ke nyambut Christmas , Merry Christmas ngagai semua, mupok dulu aku.

CPR

2008-12-05T07:37:00.000-08:00

Maioh amai cerita bebadi anak mit setegal engkelan, lemas, luput enggau maioh macam agi jenis penyakit. Tadi aku baru maca siko ari anak artis kitai ba Malaysia (nama enda tau sebut) udah lemas. Kasih umur baru 3 taun, tang nasit ia manah laban ibu ia sempat nyelamat ke ia. Keni ia nyelamat ka anak mit nya? Ngena CPR ke betul!

Nya meh aku tu mutus ati ka belajar (praktikal ngaga CPR). Aku bisi meli bup pasal keni ngaga CPR ngagai urang tuai (adult) sereta anak mit. Tang laban nadai urang nunjuk enggau betul aku takut ke enda betul. Bisi bala kita nemu ngaga CPR enggau betul?

Kebuah pia aku madah penting kitai apai indai nemu ngaga CPR laban kitai enda nemu nama pedis bebadi deka nyadi ngagai kitai sebilik. Ukai mina ngagai anak kitai, laki tauka bini tang apai indai serta kaban belayan mega tau ditulung enti nyema kitai nemu ngadu ka CPR tu. Ukai ngajih rangkang ngachuk mata. Tang maioh pemanah enti kitai nemu. Enda rugi kitai belajar. Nyema bisi fees enti ka belajar pan aku enda kisah.

Teringat aku cerita apai ke apin lama nusui siko ari indai tuai kami serumah parai laban ia sigi bisi jai jantung. Lebuh di anjung ke sepital seput ia lelang lalu ngujung ke ia nadai. Maia nya Dr bisi madah enti bisi siko ari kami serumah (pemanjai rumah 14 pintu) nya nemu ngaga CPR indai tuai tu tau selamat. Laban jantung ia ngetu ngepam, tang enti di beri CPR jantung ia tau berfungsi baru. Neh kasih amai ko aku. Bendar aku ngasuh apai minta ba Kementerian Kesihatan Daerah ngasuh meri sida rumah panjai latihan CPR. Nama kebuah laban selalunya rumah kitai Iban jauh ari pasar (hospital) kelebih agi rumah panjai. Enti kitai nemu mimit pasal ngidup ke pangan diri udah cukup manah kena ngenan ke ngenatai ke urang bebadi tauka sakit nya ba sepital.

Bah! Tu meh azam taun baru aku 2009 tu. Pulai kemisi ari menua ila aku ngiga endur dini2 badan kesihatan/sepital tauka pusat komuniti kini ke bisi ngaga program tu. Nyadi ko petunggal aku ke nyadi nurse selalu sepital perintah ngaga demo tauka ngajar bala maioh pasal CPR. Nya aku madah ke ia enti bisi anang enda madah ke aku!

Mupok dulu, nindok ke princess kami nya. Adik udah sepa tinduk munyi ko apai aku udah datai ba 'Sepantak' (nama menua kami din).

Happy Birthday Aqila!

2008-12-02T06:28:00.000-08:00

Kena 2/12/08 kakak ngintu ari pengada ia ke 4 taun.

Jeng, Jeng, Jeng! Hannah Montanna kek urang empu. Enda pecaya indu cina endur kami ngudar kek ninga kakak baru 4 taun tang udah nemu utai ke Hannah Montanna. Nembiak kemaia ari diatu ko aku madah ke ia. Enti kami suba mina katun Ninja Turtle, Thunder cat aja temu.
Enti nitih ke ati kakak ketu design kek dipinta ia: " Hannah Montanna pegang Alvin (cerita chipmunk nya), pastu keliling kek tu mesti ada Madagascar punya geng" Madah munyi nya meh aku ke indu cina nya. Besai ketawa ia enda kala ia ngambi udar kek design kenya. Neh anak, nadai kek design kenya mau, ila nganti indai dek muka kedai kek tua ngaga design bakanya. Pemadu!

Happy Birthday kakak. Enda berasai udah 4 taun. Asai ke agi baby belama meh nya. Arap ke kakak mujur dalam semua pengawa.

Adik udah duduk!

2008-11-26T07:02:00.000-08:00

Tidak, tidak. Tidak semua orang gumbira ya. Nya peda ulah kakak jealous ke bangku nya. "Aqila punya , dulu baby Aqila yang punya!" Udahnya alu urang empu meh merengkun ke bangku nya. Bingking ga kekadang. Geram meda!

Nyah! Best sebenarnya tawas utai peda. Yeaa ulih duduk kediri!

Adik agi blur. "Nama utai asai tu?"

Adik first time diduduk ba support chair baby. Ngerising gamal ia memula. Enda nyamai sepi ia.

Mission Complete!

2008-11-11T06:27:00.000-08:00

Nemu meh kita bala maioh penyadi concert sida anak. Benasit baik meh kami ari concert nya anak dani pukul 10 pagi udahnya nakal ngetat ke mata ia sampai pukul 4.30 lemai. Udahnya alu luput urang empu (tinduk bekuroh) sampai pukul 6 lemai. Berjaya mission kami duai. Nasit endar.

Sekeda ari gambar consert sida anak.

Main alat music.

Neh happy 'Boss'. Nasit endar neh!

Pama lingguk punggung. Geli ati meda.

Engkujuk bebendar anak. Semangat endar tudah. Nyadi Jane Tarzan.

Belagu baru. Maioh lagu. Ingat ga sida anak.

Aqila: "Cantik Aqila mama?"

Mama: "Cantikkkkk...." (Berani cakap tak cantik? Mau concert batal terus??!!!)

ANANG GUAI TINDUK DEK ANAK!

2008-11-08T06:52:00.000-08:00

Pagila Aqila bisi concert ujung taun sekula ia. Nyadi concert nya start pukul 2 pm. (Oho.. bukan waktu yang baik!) Nama kabuah ? Nya meh jam urang menua tinduk. Jam aku ka nulis blog diatu pukul 11 malam. Aqila di paksa aku enda tinduk ngambi pagila ulih laun dani. Tu meh jam ia honeymoon. Selalu jam 9 pm kami menyanak udah belaya. Indai mai anak tinduk. Anak enggai tinduk laban apai agi meda CSI (diatu Heroes new season pulak daa...) Lalu indai ngelaya apai udahnya. Tu meh routine kami, belama-lama ia sekumbang Aqila udah sekula.

Nyadi malam tu Aqila nyadi Boss besai! Udah makai malam, ditupi aku ais krim. Udah nya ia minta cokelat (apu... pantang besai ia makai utai manis sebedau tinduk) auk ko aku aja. Empa meh anak asal dek tinduk laun malam tu awak ka dek dani laun pagila. Kira ati aku enti ia dani pukul 11 pagi pagila just nice meh nya. Awak ka mata ia nakal ngetat ke diri enda ngantuk sampai concert habis.

Maioh ga apai indai enda setuju enggau jadual concert sida nya. Pukul 2 jam anak tinduk siang. Pagi sida sekula. Nyadi jam tinduk tu sigi baka ka udah di set deh. Anak riri dani pagi, udahnya tinduk lemai maia jam cukup. Nyadi ko sida sekula Aqila cuma bulih nyewa dewan concert nya pukul 2 pm aja. Hai apa boleh buat? Nasit badanlah pagila. Enda kena swing mood ia enda nyadi meh concert sida. Enti mood enda berapa, kudi meh urang pagila, anchur luluh meh ati teacher ke andal meda urang betanda. Spoil meh mood urang bukai jamah anak aku pagila. Apa bulih buat? Munyi ko menyadi laki aku ngelalu jaku cina , "Apa bulih buat ooo.. mata ngantuk bukan bulih kuntrul?!

Pagila Aqila nyadi Jane (tarzan show) . Udah tembu baju tarzan. Enggai ga ia ngena laban ukai colour pink, baruh baju nya buchai2 enda lawa. Parai dayah ke anak. Bendar ngelagu ia. Dicat aku kukut ia malam tu, di lekat ka aku nail sticker ngicha ka mood manah ko jaku. Ok enda lama ga urang empu. Empai temu pagila you. Tengok sajalah.

Udah gali ia diatu. Mata nyau sipit sesipit. Tegah aku ia. Senyum, sambung baru meda cerita Bananas In Pyjamas. Pajak ka dia anak. Bedau anak, bedau cukup jam. Enti ulih tat pukul 1 am legi tua tinduk! Apu... Indai ia tu ulih ngetat ke diri deh? Ia ga sigi lelak saritu. Pulai ngesah kenduri Ini ia ba Kelana Jaya ari pagi sampai malam tadi laban ini & aki Melayu ia nangga Haji ari satu tu.

Anang guai anak, bejuget tua udah tu. Legi Mama masang lagu juget sida Johnny Aman dia. Legi tua bekaraoke lagu Gilbert Gaung & Jessica Timah. Ngasak amai tua legi. Kasih tudah anak. Bisi ati iran ia deh, buang tebiat ke apa Mama ni? Apai ia nyau meda main ball ba kedai makai din enggau bala geng ia. Kediri aku entertain Boss saritu. Tat ka aja. Pala nyau berat seberat tu. Pedis meh nya. Kada dapat indai ia tu pagila.

To be continue cerita concert tu. Ila upload gambar (enti bisi, enti urang nyadi niki pentas enti enda reraouh nyabak atas pentas minta ambi, ngumbai diri ngantuk!) Pemadu.

Kedai terbuka Bamboo Restaurant & Cafe Sempena Hari Raya

2008-11-02T19:16:00.000-08:00

Nya ari besai Aqila sarinya, munyi ko indai. Aqila enggau best friend ia Qistina & Tasya.

Nemu kakak ngelalu temuai. Nama enda cerita seduai Tasya.

Nama runding tua Ini udah tu ila? Tq Ini Andan & family laban bisi datai enggau ngerami pengawa meri makai maia Hari Raya tu kemari. Geli ati ninga Ini Andan madah kawasan kedai ba Bdr Baru Bangi tu suba ladang sawit. Ga ia makin ari makin maioh menua baru. Tesat enti lama enda ngelawa siti2 endur.

Bala pengabang sekeda ia.

Utai empa ke bisi di enah ka. Irau enti enda cukup. Nasit bala bela ampit pungka bisi laloh pemakai.

Sekeda gambar maia pengerami open kedai nya.

Agi mood Raya. Gambar open 'kedai' sarinya digaga sempena Hari Raya. Kaban blog semina sempat nyemput sida Ini Indan sebilik laban ke ngelala ia aja.

ASTRO PUNYA PASAL!

2008-10-18T22:43:00.000-07:00

Tu cerita mantai ke pemedis ati. Udah 2 ari Astro ba rumah kami nadai. Nama kebuah? Ukai setegal enda bebayar, lebih bebayar bisi. Suba Papa ia subcribe 2 iti Astro, decoder siti engkah ba atas kena anak meda katun, decoder siti ba baruh kena indai meda Desprate Housewife. Anak asi Papa laban ka buyan enggai kediri meda katun malam ari ba atas laban semua urang tuai meda TV ba baruh. Udah nya aku ngasuh papa ia terminate aja Astro ba atas nya. Nadai guna, agi ga belaya enggau anak ba baruh berebut ka channel TV.

Lalu datai meh penusah, raya ga pemeli sida ka gawa ba Astro neh! Aku tu keja ba customer service meh, nemu aku keni kitai ngereja pengawa, nyalur ngagai jalai ke betul.

Nyadi termination decoder siti nya udah 3 bulan papa ia ngasuh ASTRO ngaga, enda nemu cerita engka udah meh nya. Tang bill tiap bulan agi ga mengkang datai, bayar papa ga. Enda liat majak mayar papa call ASTRO baru, nanya ke status termination. Enda ga CS (Customer Service) nya nemu enggau ia. Padah nyentuk ga lumur kad 1 enggau kad kedua nya siti-siti awak ka sida nemu ni bagi.

Sekali pagi kemari on TV ba baruh nyau nadai service agi. Parai kitai! Lain utai di asoh terminate lain ga utai di terminate. Ni enda ngasuh ati pedis. Telefon baru nanya nama kebuah terminate ke existing decoder nya enda ga sida nemu nama kabuah. Check ba technician sida nemu kita nama reply sida. Enda ulih maca message ke di sampai customer! Apu! Raya pemeli-meli. Cukup simple utai nya. Terminate kad 1, kad ke 2 nya agi dikena. Udah ga lumur kad nya dibaca. Udah nya Papa ga di anu sida. Apahal?! Tadi sida madah nguji resolve problem nya try on tv baru pagila.

Enda ngawa sida ia. Pagila enti enda ulih, pegila sida ensepi. Aku enggai di main-main sida. RM 300 bebayar kusung. Ia ka ba atas nya sigi lama enda ulih dipeda. Kitai ka mayar service sida, kitai ka dianu sida. Papa lembut ati, bejako manah-manah. Aku enggai di kembeli ka CS nya. Laban aku ngasai aku kala keja baka sida nya enda aku kala nganu customer. Nyema ringat ke customer jai udah ngeletak tel ga aku nyumpah sida. All call recorded, kumbai sida enda nemu aku. Nya nyadi appraisal sida kena ngulih bonus. Sigi perak aku sida pegila. Tanya ke nama penuh CS nya ngambi nyamai ngaga complain. Utai simple bakanya pen enda nemu ngaga solution. Nampak amai nadai kaul manah Dept CS enggau Dept technician sida.

Enti nunda nadai masalah nya ulih drag sampai 3 bulan. Enti dek enda bebeli madah ke Technician nama penyalah sebenar. Sigi ka tetuyu sida ke gawa ba ASTRO tu deh. Bedau customer complain bedau sida lengkas ngadu ka masalah tu. Engka rindu ninga customer reraouh ba tel kini?

Pedis amai ati aku. Minta ampun bala maioh, sigi sengaja nulis ditu kena mantai ke pemedis ati.

Kakak & Adik

2008-10-09T03:23:00.000-07:00

Kakak enggau adik begambar begulai. "Nemu Aqila megai adik , kuat Aqila pegang" ko kakak.

Nama lauk kita?

2008-09-22T20:03:00.001-07:00

Tu meh tanya aku selalu lebuh indai ka selalu talipaun maia jam pukul 7.30 - 8.00 malam. Rajin urang tuai nya telipun diatu laban gagit ka nemu cerita uchu mit ia (Aqif). Malam tadi ia talipun baka biasa tu randau kami seduai indai:

Aku: Nama gaga kita saritu?

Indai: Manchit umai kami duai apai dek tadi. Manah ari saritu.

Aku: Nama lauk kita tadi?

Indai: Nya meh apai dek belauk ka 'nyumboh ngandung'. Ia enda nemu nyumboh nya ngandung ulih Rudy kemari.

Aku: Apu... geli aku ninga lauk apai nya. Amai bam apai tuai nya nadai enda utai ka enggai. Kati kita nemu nymboh nya ngandung deh?

Indai: Rudy empu nusi. Anak nyumboh nya di ais ia (tepu dalam peti ais) ka kena ia nginti lelabi.

Aku : Dalam ati....( kejam amai kitai Iban. Kasih amai jelu nya. Ia ga tudah ngandung, dibunuh. Anak ia bedau pansut pan udah nyadi mangsa ka umpan ginti lelabi. Nya amai enda nemu lembau nyawa.

Becerita pasal lauk apai kami sigi rindu makai exotic food deh. Kekadang kitai ka irau ka pengerai ia. Nyadi apai kami sakit 'glamor' ko urang baka darah tinggi, kencing manis etc enda enggau urang tang ia bisi pemedis batu karang. Nyadi ko lutor penyakit ia tu asal ari utai pakai ia. Ni enda nadai enda jelu babas ke enggai urang tuai tu. Sawa aja enda laban ka mali ko kenu.

Becerita pasal jelu ke lauk ba rumah panjai kami nembiak nama Rudy tu sigi tegar ngiga jelu babas. Ia tu meh pembunuh jelu lumor satu. Nadai ati sinu mensia tu. Tu dialog seduai niang aki aku ba kaki lima rumah panjai suba ka agi di kingat aku.

Niang aki: Bulih dek ngasu tadi Udy?

Rudy: Bulih aki. Ni enda bulih . Indai nyumboh benung nyandik anak ia di timbak aku. Dulu anak ia labuh aki nya baru indai ia. Aram aki enggau kami makai tunu nyumboh. Din ngintu ia tadi ba langkau ampun.

Bedau agi cerita ia bulih payau sekayu bilik benung nyengkubang sawah umai. Kasih meda jelu kekadang tang apa bulih buat, munyi ko apai ari nya meh bansa kitai Iban bulih Protein. Enti ngumbai meli daging serta manuk sebelah pasar enda maioh deh bala ba rumah panjai mampu. Sekali sekala ulih la enti nyau tetiap ari baka urang pemesi ngalu ka supermarket meli lauk dini tudah ulih.

Bah nya aja meh cerita lauk saritu.

Nyawa Enda Nemu Lembau

2008-09-16T04:59:00.000-07:00

Nadai nemu lembau nyawa aku tu makai. Kenu ko bulan puasa tu aku ka diet ngambi ka kurus. Nyau ngasoh aku gemuk agi. Enti lebuh angkat makai sahur pukul 5 pagi bedunjung meh asi empa aku. Dini enda Papa Aqila enda ngiling ka pala. Lebuh maia bebuka raya agi baka ka nurun shopping aku meli utai ba bazaar ramadhan. Akai dai.

Ia ka ngasoh aku jeles amai meda Papa Aqila jauh amai insur ia sekumbang bulan puasa tu. Berat ia sebesau puasa 94kg diatu udah nurun ngagai 89kg. Nya neh 6kg nurun. Bendar ia nagang diri makai. Enti sahur makai mimit, maia bebuka makai kuih aja. Apu.. enda aku nakal napat ia baka nya.

Nya bisi bala kaban beblog tu ngaga business nyual ubat slim kini. Tau ngambi aku nyadi testimonial. Ngambi gambar sebelum enggau selepas. Ha..ha... Enggai ke bala maioh enda nemu pemerat aku diatu 65kg. Berat sebedau ngandung 54kg. Parai bakatu.

Randau sebilik.

2008-09-06T06:43:00.000-07:00

Randau kitai seari-ari kekadang ngasuh ati geli. Kelebih agi enggi tudah Aqila laban ka baru nemu bejako.

1. Randau Aqila seduai menyadi aku, Enot.

Enot: Ia (Aqila), nama utai beli seduai mama dek tadi?

(Aqila faham jako iban tang selalu nyaut ngena jako melayu)

Aqila: Tak beli ape. Teman mama beli kurman jer.

Enot: Beli kurman???

Ari siti papa ia pulai ari kerja lalu nyua ke Aqila plastik. Ia lalu belawa ngagai aku ngemai plastik nya.

Aqila: Mama, papa bawa balik kurman.

Mama Doyee: Eii... buah kurma paduhal ko anak tuk.

Enot: Kah! Kah! Kah!

2. Randau Enot seduai ama aku Sari.

Enot: Sari, bunyi apa tu?

Sari: Bunyi apa kak?

Enot: Bunyi macam kucing tecekik tulang ikan. Mati kucing tu nanti Sari.

Mama Doyee; Nama nya?

Enot: Ga ia munyi maiau engkelan tulang. Parai maiau nya legi. Raya amai munyi ia nya. Nyau sesikuk.

(Nyau ga tudah Sari nyengok ke luar dapur)

Sari: Bukan kak, bunyi machine basuh jiran sebelah.

Mama Doyee: Apu... overload machine basu urang nya. Pemadu.

Enot & Sari: Kah ! Kah! Kah!

SUPERHERO KELIA

2008-09-02T20:41:00.000-07:00

Nyadi cerita tu nyadi ukai dalam taun 2000 tang back to 50's, 60's kelia. Cerita tu di tusoi ke indai aku ngagai aku maia umur aku dalam 17 taun ianya lebih kurang 12 taun ti udah. Tang semua cerita indai tu mengkang ba dalam runding aku (memory) laban cerita ia tu ngasuh ati aku alit serta suah nanya diri empu. Amai enda ke cerita tu? Sama-sama kita berati ke cerita tu.

Cerita tu nyadi ba rumah panjai sida indai (menoa enda tau disebut). Hero dalam cerita tu di tusi ke indai aku nama ia Apai Atong tang aku enda nemu nama amai ia. Apai tuai tu sigi endur sida serumah berubat enti lebuh maia tabin tauka sakit raya. Nyadi ilmu beliau ia ko sida amat tinggi laban kala belajar ilmu tu ba Kalimantan Indonesia.

Cerita ka ditusoi aku semua cerita ajih ka udah di gaga apai tuai tu. Bisi nya peda mata pala indai aku empu, bisi nya ari tusoi urang.

1. Apai Atong kala ngiru anak mit umur 5 taun indu ba rumah panjai bukai ba ulu Baram kelia. Kitai bela nemu anak mesai nya sigi udah ngelala apai indai sigi tetap enggai di bai urang ke enda di kelala ia. Maia Apai Atong datai malam ba rumah nya anak mit nya sigi enggai ngelali sida ke datai. Takut meh tudah. Pagi tungkah sida ka nurun anak mit indu nya agi ga nyabak. Tali perau udah ga di buka, dia Apai Atong lalu mantai ka kerupok ari beg ia, dipuchau ka ia kerupok lalu disua ka anak mit nya. Nama deh udah anak mit nya makai kerupok nya ia lalu minta berap Apai Atong lalu minta ka enggau. Sampai tuai anak mit nya di iru ia.

2. Ba rumah panjai sida indai tu bisi siko bujang sigat (sigat ko sida kelia meh nya). Bujang tu kering sereta berani. Enti ketanah enda kala enda pulai mai jelu. Tang siti ulah ia enda manah, ia bejako sumbong. Ba rumah panjai sida indai bisi siko ga dara tang indu tu bisi timpang tuboh. Ia mit tusu sepiak. Bala bujang bukai sigi rindu beduan bujang sigat tu enggau indu ka nadai tusu sepiak tu tadi. Dia bujang nya selalu ringat ninga jako tundi sida. "Parai enda meh aku jadi enggau indu nya!" ko ia nyaut pedis ati.

Maia ia ke munyi nya Apai Atong bisi ninga. Indu nya ukai urang bukai ga bala ia empu. Nemu kita, malam nya udah bujang sigat tu munyi nya ia lalu nama ke diri ngagai indu nya! Minta ka jadi enggau indu tu. Sampai diatu agi jadi beranak berucu (Aku ngelala aki tuai tu).

3. Kelia sigi maioh urang datai. Sida tu di kumbai 'kampar'. Laban iban ka amai bejalai (merantau) sebelah rumah panjai bukai suba. Bisi siko lelaki kampar tu datai ngagai rumah panjai sida indai. Nama ia Empangup. Empangup tu sigi tuyu enda betul. Setengah tiang meh nya ko kitai.

Nyadi Empangup tu diau ba sida Indai. Maia nya musim urang ngetau. Kelia pama gawa tanah sigi sampal sekayu bilik nurun ke tanah deh. Munyi ko indai kebuah pia laban maia ngetau lauk nyamai, makai di tanah nyamai. Kelia ukai bisi TV deh wai, nadai kerja bukai, ka ke pasar jauh ga, duit ukai bisi deh. Nyamai agi ga sampal ketanah mai bala anak. Nyentuk ke agi mit pan di bai. Nya sida uyut tekating sebelah dan kayu.

Nyadi Empangup tu ukai semina tuyu tang panjai jari. Maia urang abis turun ke umai ia lalu mulai kediri kerumah lalu enchuri duit ibu kami. Penyampau duit ke di churi ia nya dalam RM 50. Kelia amai berega duit nyampau tu. Nama deh pulai sida ibu turun ia lalu meresa serangan ti selalu endur ia nyimpan duit ia. Peda lenyau duit ia.

Enda puas ati tudah ibu ia lalu mai ini kami ngereput ngagai Apai Atong. Dia Apai Atong lalu nilik ngena penemu ia sapa ti enchuri duit ibu. " Nya temu sapa urang ke ngambi duit tu. Legi aku ngadu ka ia" ko Apai Atong.

Nama deh ari siti baka selama urang nurun turun baru. Benung urang ngetu tengah ari peda sida Empangup belawa-lawa ngagai langkau sida. Nyau mirah mulut Empangup balut darah. "Lapa ngeli dek Empangup?" Ko sida nanya. Nya meh ari tadi tu bedarah ko ia. Pedis meh ia ngetat ke ngeli ia nya.

" Bisi salah pengawa dek tu. Anang dek enda ngaku penyalah dek Empangup enggai ke dek parai!" ko bala

Dia Empangup lalu ngako meh ia udah enchuri duit ibu kami. Nasit duit 50 nya bedau dikena ia lalu di pulai ka ia baru ngagai ibu kami nya. Nama deh enda lama udah nya lalu badu meh ngeli Empangup bedarah.

Ko Apai Atong " Laban Empangup ke enchuri duit dek, enti urang bukai enda aku ngaga ia bakanya"

4. Parai sida indai serumah. Nyadi niang aki kami enggau apai Atong enggau urang numbak bangkai. Pendam tu enda jauh ari jalai alun deh. Datai cina mai santubong ba pendam. Maia nya pengawa sigi udah tembu. Nyadi cina nya madah ia ngagai rumah panjai sida indai baru ngalih ke lemai legi. Tang ia ka pulai ke pasar dulu.

"Nya, am sanu" ko Apai Atong nganu aki. "Ke pasar tua". "Keni ka ke pasar nadai mai duit sepusen tu. "Ko tudah aki. "Aku nadai meh. Enda ngawa bejalai aja tua"Ko Apai Atong ga. Ka ga aki di bai ia. Raun kusung meh nya. "Apu berentak ngining utai sebelah pasar tu legi" ko aki. Apai Atong tuchum aja.

Datai seduai di pasar apai Atong lalu mai aki tama kedai kupi. "Eh nama kena tua bebayar legi?" Ko aki. "Legi dek meda" ko Apai Atong ga. Nama deh duduk meh seduai lalu ngudar ai irup. Udah tembu ngirup dia aki meda Apai Atong nempap kuchik tanchut ia 3 kali. Peda aki pansut duit not RM 10 ari tanchut ia. Nama deh nya meh kena ia bebayar.

Aki amai iran ati, kati ia tau bulih duit nyampau nya. Seduai sigi tuboh puang ari rumah, gari pan ngena gari kamah laban ke nulong urang numbak bangkai. Dini ia bulih duit nya kini. Nyau teringat aku cerita David Blaine. Ko aku sigi sihir kena David Blaine nya. Aku kala meda siri ia ngusak gelas peminta sedekah ka penuh ai teh nyadi duit syiling. Amai bisi penemu tu.

5. Cerita last tu sigi cerita takut. Ini sida indai raya amai sakit. Di asoh sida aki ubat Apai Atong. Nya ko Apai Atong, 'Enti kita agi belala begulai enggau ia aku ulih nampung seput Sanu" ko ia. Nama deh laban ke selalu sayau ke tudah indai ia dia aki lalu setuju meh.

Nama deh diadu ke Apai Atong meh tudah ini. Ia lalu enda nyadi parai. TANG... bisi penyelai ia. Enti nunda ini tuai kami tu sigi lama udah nadai tang laban ke ditampung seput ia agi idup. Maia malam ko indai kukut ini kami tu nemu nambah panjai, pia mega bok ia. Neh nyadi antu meh nya.

Bisi siti malam aki kami meda ini tetiba duduk. Kukut ia ke panjai ngerawis tikai, bok ia kapa pia dek nyau ngerembai enda temu tuku. Peda aki mata ia segala besai mirah. Alu di tegah aki ini. "Nama gaga dek indai!" ko aki. Niang ini tuai kami tu lalu tekenyit udah nya ia lalu ngali kediri. Aki lalu berunding "enda alah ngibun indai tu. Salah pengawa tu." ko ia. Lalu di asoh sida adu ke Apai Atong baru tudah ini, nama deh parai meh ia udah nya.

Ko sida indai seput ini di tampung ia ngena seput ukoi. Parai kitai.

Nya keni runding kita bala maioh? Pecaya kita ke cerita tu tau nyadi? Sama-sama meh kitai berunding.

Matah ka Lidi

2008-08-26T20:49:00.000-07:00

Kala kita ninga urang nyebut 'Matah ka lidi'? Ti urang enda kala ninga utai ka disebut tu nadai nyalah-nyalah meh ayat tu. Nyadi lemai kemari maia aku ninga radio Iban Waifm aku bisi tedinga ka siko penyanyi lelaki belagu ngena judul lagu Matah ka lidi. Nya aku teringat ke cerita Apai aku maia ia ngajar ba siti menoa tu. ( Endur enda tau disebut wai. Laban tu cerita sensitif)

Ketu ko cerita ia...

Apai enggau indai sigi nemu rita siko indu dara ba menoa endur seduai ngajar tu raya sakit. Kenu ko sida indu tu kena sakit kanser susu. Bisi seduai datai ke rumah panjai ngabas indu ka sakit tu.

Lemai ari siti datai urang ari rumah panjai indu tu bepadah ke sebelah rumah sekula ngasoh ke rumah panjai sida laban deka 'Matah ka Lidi' si A tu. (A nama samaran ia.) Nyadi apai aku sigi enda jugau deh enti bisi urang rumah panjai bepadah lebuh bisi penusah ia sigi ngusong. Nyadi ba penemu ia Si A tu sigi udah nadai lalu Matah ka Lidi nya reti ia nyenggai ia.

Lebuh maia apai datai ba rumah sida A tu urang sigi udah mayoh. Santubong ia pan udah di beban urang. "Udah nadai meh A tu" kenu ko Apai. Baka selama meh kitai enti ngesah urang nadai alu nudok ka diri ba ruai. Maia Apai ka datai nya ari sigi udah malam. Urang pan udah belaboh besadung ka pemakai kena ngintu diri makai malam.

Apai belaboh iran ati laban nadai meda bangkai gegaring ba ruai. "Bah, ko ia. "Ni bangkai enda dikatung ka ruai deh?" ko ia dalam ati. Laban urang ke bepadah lemai ari, ia ke ngesah penusah nyau malam. Enti nunda ka sigi udah bangkai di katung ke ruai.

Enda lama Apai udah tembu makai dia ia dikangau ka Aya si A tu tadi. "Aram Cikgu, enggau meda urang Matah ka Lidi A" Ko ia. Apai aku bebengap. "Nama meh reti Matah ke lidi sida tu?" ko ia ga dalam ati.

Nama deh angkat meh tudah Apai nitih ke Aya A tu ngagai bilik sida A. Peda ia urang sigi maioh nyau tusut sebelah bilik. Ia ke meda sebelah empelua nunga ke ruai kenya meh. Nyau bepaut-paut sida ka meda. Apai aku alu berasai enda nyamai ati.

Maia ia tama ke bilik sida A dia apai aku berasai amai tekenyit ati! Nemu kita bedau parai Si A tu tadi tang munyi ko utai ia ga raya sakit agi jejengap meh tudah. "Apu... salah amai pengawa tu." ko Apai bejako kediri.

"Apai Sanu, maioh amai urang, enda aku enggau tama deh , nyamai nganti ba ruai deh" ko Apai. Nasit ko ia Aya A enda mansal ia enggau meda.

Nemu kita keni sida Matah ke lidi? Ko aku munoh mensia meh nya.

Semua sida kaban belayan ngelingi penindok indu tu alu siko ari Aya sida megai bantal. Nyadi sekumbang ia ke sakit sigi ba bilik besai meh urang ngali ke ia. Ta ditekup ka Aya ia meh moa indu tu enggau bantal! Apai laban ka sigi urang siru enggai meda. Tambah mega ia sigi urang penakut serta takut ke ulah sida A serumah tu.

Nyau Apai mai 'Apai Sekula' sida ia mulai ke diri. "Pulai tua Sanu. Salah pengawa sida serumah tu. Tua kerja perintah, enti bisi urang betusi aku enggai nyadi saksi, tua pan tau di buai kerja. Tua tu nyau enggau urang bebunuh ke mensia ukai nyenggai mensia" ko Apai. Nyau meh seduai mulai ke diri.

Nyadi kenu ke jerita sida ke meda, sigi kasih meda tudah A. Maia sida ke mejal ia enggau bantal ngelingkang meh tudah tuai. Ia ga agi kering serta agi ngeleda deh tudah tuai. Lama ko sida bisi seminit endur ia apus seput. Enda kasih kita ninga jerita tu?

Amai 'scary' wai. Nyadi tudah Apai enda nemu reti nadai meh ia nemu reti 'Matah ka Lidi' tu. Dikumbai ia sigi ngesah urang nadai meh. Nya ko Apai enti bisi urang bepadah nyebut 'Matah ke lidi' agi ia sigi enggai enggau ko ia. Sinu ngenang urang ka sakit raya di gaga bakanya.

Nyadi ko sida A serumah, A tu udah lama sakit raya. Ukai ta sebulan dua nyau ka manggai betaun. Kitai bela nemu meh sakit kanser tu. Tambah enggau ia sigi enda berubat. Udah berapa kali ia dikemegau ka sida serumah kumbai udah nadai agi ga seput ia bisi. Nya meh nyau pemuas ia dipejal (bunuh) sida sekali. Tang urang ke ngereja ka ia nya sigi sida sebilik empu ukai urang bukai.

Apu... ko aku. Parai kitai wai. Nama penyadi enti kitai ba situasi tu. Sigi takut aku. Kasih amai tudah indu nya. Sampai ati Apai Indai ia meda ia di gaga bakanya. Sigi lelak, buntau, pedis meh ngembuan urang sakit, tang anang sampai ngaga ia bakanya. Indah enti urang sakit enda tau makai ngirup kitai udah sinu meda. Enda nemu meh kitai penemu setiap mensia sigi enda sama.

Nyaut Tag Lyana

2008-08-18T07:17:00.000-07:00

You are tagged!
Here are the rules:
1. Link to your tagger and post these rules on your blog.
2. Share 7 facts about yourself on your blog, some random, some weird.
3. Tag people at the end of your post by leaving their names as well links their blogs.
4. Let them know they are tagged by leaving a comment on their blogs.

Akai dai enti bejako pasal kitai empu sigi maioh deh. Tu sekeda ia, 7 list ke di pinta.

1. Aku tu meh mensia enggai jenoh. Kerja ka bejalai. Enda milih maia rumpas tauka ngandung.Ta bejalai sebelah nya meh enti enda kerja. Ambis sida KLCC, ngagai Mid Valley, ambis pasar chelap ngagai ga aku Chow Kit (manah amai kedai pinggai mangkuk mudah ba chow kit. Tau tawar siti-siti rega barang ia. Kediri nyadi meh aku!

2. Hobi kami duai Apai aku betapat nusi cerita bula. Nyadi hobi tu start lebuh maia Apai aku start ngajar ba Ulu Sungai suba. Pemadu maia nya TV nadai, api nadai. Sida magazine, buku ka bisi dirumah siap ulih ku hafal asai ia cerita dalam nya. Ni enda tetiap ari ngerebak ka bup/magazine sama. Nadai endur ngalu wai..

3. Maia berengkah dara suba saiz baju aku S, udah ambis belajar niki saiz M, diatu wai lembau nyebut enti nyema ka baju saiz L nya cari nasitla. Munyi ko kaban aku kena nyenang ka ati enda besai 'American Saiz' aja.

4. Aku sampai diatu enda nemu muka sardin ngena pemuka sardin biasa nya. Ko indai kelia "Neh kati ka belaki ila, muka Sardin pen enda nemu?! Nasit wai bisi pemuka sardin main pusin nya. Nemu meh aku ngena nya. Nyau tudah indai ga enda nemu ngena pemuka sardin nya lebuh ka nemuai ke rumah aku. "Tu pemuka sardin urang burok! Ko indai. Bah?!!

5. Aku agi ingat nama 'Imagination friends' aku maia aku agi mit suba. Tu nama sida Giben, Kelen, Akih & Anak. Kati kita kala ninga nama tu. Tiada kena mengena dengan yang hidup dan mati.

6. Kala nepan kerita sapu ngelantak nembiak sekula secondary. Maia nya umur aku dalam 6 taun. Munyi mensia di lantak kerita munyi tayar meletup. Sampai diatu aku agi ingat ka accident nya.

7. Suah enda ingat ka nama urang. Enti aku baru bekelala enggau urang nya aku mesti enda ingat ka nama ia udah nya?

Chewing gum

2008-08-03T05:42:00.000-07:00

Sigi tusah ka control anak pama udah ngagai pre school. Baka Aqila laban ia December baby umur ia sigi agi biak baru 3 tahun 8 bulan tang udah di anjong school. Nyadi ia agi seruran baby ba mata kami duai papa ia.

Aqila selalu nusi bala kawan ia mai chewing gum maia ngagai school. Nya meh ngasoh ati kami duai papa tusah ati laban takut ka ia diberi urang makai chewing gum lalu enda nemu muai ia pama udah ambis manis.

Nya meh tudah aku selalu ngenakut ka ia. Legi rekong dek bedarah laban chewing enda tau di empa anak mit. Nasit ia tu penakut mimit. Tang anak mit selalu lurus serta enda tan ati. Enti urang nyua ka ia enda nyambut?

Kati ka nyelesai ka masalah tu. Dah lah Aqila nya bangat clumsy. Aku udah madah ngagai class teacher ia ngasoh banned aja chewing gum. Enda patut anak mit mai chewing gum ngagai school. Chewing gum amai bahaya ba anak mit.

Ko teacher ia au meh. Agi ga aku ninga Aqila nusi classmate ia mai chewing gum. Nama kabuah? One of her classmate, apai ia taukeh kedai runcit. Neh Kati ka ngelaung ka nya. Enda entu nyalah ka kawan ia nya. 4 yrs girl nama utai temu ia. Apai aku bisi kedai, sida ruti marar aja, ambi aku meh ia. Masalah ia, nyau ka tetiap ari si Aqila tu nusi si 'Anu' tu mai chewing gum.

Akai dai. Pahai bakatu. Sekali dua nemu Aqila nguyah muai ia, nyau pemuas keranjur kena telan nama penyadi? Nyadi ko kawan papa (ia tu Dr anak mit) maioh case anak mit engkelan alu enda ulih di selamat ketegal makai chewing gum enggau jelly. 2 iti 'jajan' tu sigi dangerous ngagai anak mit. Nama kabuah? Laban ia enda nemu lela. Enti mengkang ba rekong ia alu dia alu nyekat salur nafas. Apu takut amai aku ninga nya.

Bah kati baka runding kita ka bisi anak mit? Keni kita ka ngajar anak ngambi takut ka makai 2 iti jenis ruti tu? Enti bisi runding kungsi enggau aku.

Udah Mansau

2008-07-31T19:12:00.000-07:00

Ka nesau bala maioh Mama Doyee udah selamat ngada ka Aqif Qaisar Fitri kena 11 July 2008.

Nyadi gambar ka upload tu tebalit, peda ari baroh ke atas. Pemadu ko kami menoa. Ngagai bala kaban ke udah bisi ngabas blog aku tu kelebih agi wai Lyana ka udah nge'tag' tudah tuai aku minta ampun wai laban tu meh penanggul ia. Udah mechah tu lembau nyebut, lembau nusoi nyau bebalut utai. Enti udah lapang udah lepa ila aku nyaut tag nuan wai. Eii nyau out dated meh nya ila.

Arap ka bala maioh enjoy meda gambar tu, enggau gaga ati kami sebilik nyambut penatai 'Baby Boy' dalam family kami.

Gambar tudah photograper (papa) nadai laban sibuk nyadi wartawan. Ni ke tembu gegetar tudah tuai gesal ati. Ambis danu Misi meh ia laban tembu ngambar aku benung pedis.

"Support your wife first!" Ko indu misi nganu ia. Aku ga mansal ia " Papa anang kiruh ka Mama ambik aja gambar" ko aku.

Nama kebuah pia, laban maia kakak ada suba Papa nadai ngambi gambar enggau silik laban tembu meri aku peransang maia ka benung pedis. Tudah adik aku nadai entu lama pedis.

Cerita sebenar kabuah milih topik udah mansau tu:

Due aku 20/7/08. Maia kami duai papa ber check kena 4/7/08 Dr madah udah buka 2 cm. Tang aku nadai pedis. Udah mansau tu ko ia. Baka buah enti di julok ulih labuh.

Mama Doyee tu penakut. Laban Dr madah ia ulih ngadu ka aku beranak kena 10/7/08.

"Apu papa, enti enda pedis nadai datai kelai keni ka baby ka pansut? " Ko tudah aku.

" Eh Dr madah ulih, ulih meh nya. Kakak suba di induce urang meh dek. Nadai meh dek pedis" Papa.

Nyau berunding tudah aku. Maia ka beranak ka kakak suba. Aku kemi baka bisi datai kelai tang enda sure. Ke sepital berumban-rumban ia ga ari endur keja kami duai papa. 2cm meh udah buka ko ia. Alu isi ka Dr ai (ubat induce meh nya) udah 7 jam ada meh kakak.

Amai endar, sigi salah peda aku nya suba. Sigi ukai tanda kelai nya tang aku di pansal beranak. Enda puas ga ati ambis klinik sebelah rumah endur aku nanya. Kala urang dipansal beranak bedau cukup maia ko tanya aku. Bisi ga ko Dr. Manah amai Dr indu semak rumah kami nya. Nyau asai ka berandau enggau kaban lama enti aku betemu enggau ia. Sampai diatu aku selalu ngagau ka ia enti bisi pengerami ba rumah.

Nama deh, au meh ko aku. Nyadi reason Dr netap ka ari aku beranak laban kesatu rumah kami jauh, nyin semak Nilai 3 din. Sida ini Andan nemu deh endur menoa kami tu. Nyadi sepital ka dipilih endur beranak ba Gleaneagle Intan, Ampang. Enggai di bukai laban udah kala beranak ditu tambah mega Dr tu cukup mentas sereta silik meresa dek.

Kedua ia ko Dr aku tu bisi history beranak jampat. 1st baby dek pan ka 7 jam dek alu beranak. 7 jam nya ukai aku start pedis tang ari Dr start induce aku. Ia ke pedis amat nya dalam sejam aja.

Nya meh kabuah ia. Sebut muntang engai ka terayan sebelah jalai. Hai wai...

Engka 9/7/08 Klinik Datuk Dr Aziz telefon madah ka bedau ulih ngaga aku beranak 10/7/08 laban ia bisi urgent case. Neh nama penyadi.

Enda memukai aku bisi berasai pedis ga malam 9/7/08. Bisi datai kelai mimit tang ukai darah. Nyau ga kami duai papa ke sepital pukul 12 tgh malam. Datai di sepital, peresa indu misi - bedau ko ia. False alarm meh nya. Akai dai.. enda kami pulai ke rumah bemalam ba rumah petunggal aku ba KL enda alah 11/7/08 nyau ga aku di asoh urang beranak.

11/7/08 nyah peda meh gambar di baruh. Nya meh cerita ia.

Nya gamal Aki Apai enggau ini. Udah selesai semua baru ngasuh sida datai. Enggai ngiruh sida nganti sebelah sepital. Tudah indai sigi semampai bai aku buntau buan anak malam. Ia ga tudah tuai bisi tinggi darah.

Malam asoh aku ambi misi Aqif asoh di wan nursery. Enggai ga indai. Ei.. nadai nya duan urang manah din. Kasih ia. Anang nganjung ngagai nursery. Ibun aja. Ila di rumah dek meh buan nadai meh urang buan. ko ia. Peda kita runding urang tuai.

Kakak nadai perasan. Datai ia lalu nilik perut aku. Udah pansut baby ko ia. Nyadi ia selalu ngelagu baby dalam perut bisi toy, bisi Tv dalam perut mama. Adik meda cerita Tom & Jerry dalam perut mama.

Mama: Ni Tv enggau toy adik deh?

Aqila: Aha la mama. Masih dalam perut kot. Simpan untuk adik lain.

Peda dek pemintar ia. Kekadang untak ia lebih ari runding kitai.

Nya gambar bujang sigat kami. Udah mandi. Lain asai sepi ia. Nyau terang dunya. Baka kakak meh nya. Malam enda entu ka tindok. Siang nadai menchelak. Amai munyi ko petunggal aku. Beranak seberanak dek. Pedis buntau sekali aja.

Nyau ka nyamai -nyamai laban kakak udah ngati ka diri nyau start ga kiroh baru. Akai dai.

Adik bedau di anjung ngagai nursery, bedau diberi mandi. Agi kunga-kunga ia nyabak. Ambi papa lalu di qamat (meri doa ngagai anak).

Datuk Dr Aziz: Besuk masuk paper ke ni?

Papa: He..he...

Takut tudah Dr meda camera papa. Canon EOS 40D. Alah wartawan deh. Macam2 eksesori ditambah ia.

Mati aku upload gambar Dr ba blog. Enda ngawa aku nusi pemanah ia. Ka promote ngagai kitai ke bisi plan ka beranak, aku suggest kita nguji ba Dr tu.

Alu di sua ka misi. Alu breast feeding. Gleneagle hospital nyukong kempen breast feeding. Sigi bendar sida menggalakkan ibu-ibu breast feeding. Nyema nganjung anak ngagai nursery sida misi madah cukup jam kami nganjung ia nusu dek. Enti kitai meri pemendar ngagai sida meri susu formula baru sida meri. Tang enda digalakkan.

Iran ati meda baby, baru pansut alu nemu nginsap susu. Sapa ka ngajar, sapa meri training ngagai sida? Kuasa Tuhan.

Netak tali pusat. Besai nyawa ia nyabak. Tudah papa nyau sesalat baka ukoi laboh anak. Gesal ati ko ia meh nya.

10.13 pagi, ada meh tudah adik. Nyamai amai ngada ka ia. Pedis enda lama. Gambar sensor mimit) Kasih adik.

Midwife: Nya, beranak baru dek ila. Nyamai amai dek beranak.

Datuk Dr Aziz: Ia tu sigi express.

Enda seseput tudah Dr belanda ari klinik ia (seberai ward) ngagai labour room.

Mama: Ei ... beranak enda beranak nganti adik udah school meh. Pemadu!

Neh benung pedis amai meh tu. Pukul 9.30 pagi aku start muat. Pisit sereta pedis amai. Alu di sua ka misi gas aku. Eh nyirut ngapa. Pedis nya mengkang , ngasuh mata ngantuk aja.

"Peda gamal dek mama baka urang makai ganja" ko papa. Ka beduan meh tudah kena ngasuh ati aku rindang. Danu aku ga ia. Ei urang benung pedis ia nyau majak becerita utai ngapa-ngapa. Enti aku gerai dupah meh ia ka nusi cerita sida beli ba office ia.

Kira ka pukul 7.40 pagi Dr start masuk ka ubat ba jari aku. Nyadi aku start contraction pukul 8.30 pagi kenya. Midwife enggau papa entaroh aku beranak pukul 12.30 legi ko misi. Ko papa enda tu pukul 11.30 pagi tu legi.

Dr nyangka pukul 2.30 lemai.

Midwife: Nemu dek indu sepiak nyin ngambi epidural udah 9cm buka alu bedau pansut anak ia.

Mama Doyee: Neh nya meh utai ke enggai aku. Eii enda pedis keni kitai ka nemu ngelai baby ka pansut enggau enda.

Midwife: Alu enggai c-section (ceaser) pedis anang dek. Amai aku kala beranak sebedau tu. (nyadi misi tu benung ngandung 7 bulan maia ia ka nulong aku beranak).

Mama Doyee: Dek anang ngemba aku. Nemu dek aku tu dipaksa urang beranak. Enti baby aku tu stress legi enggai pansut kada enda di ceaser urang aku tu legi. Aku takut meh. Aku enggai amai di belah urang perut. Udah aku mesan Datuk tadi enti nama-nama nyadi aku perlu di ceaser aku enggai dibius setengah tubuh. Bius ambis, bius mati. Enggai aku meda bilik bedah. Enda alah aku manjung.

Midwife: Kah!Kah!Kah! Sama meh tua.

Neh! Parai aku di keduan misi tu. Tang ia mentas amai enggau aku. Nyau sinu aku meda ia. Pia reridi mai kandung tudah tuai pia ia ngintu aku. Nyau aku ka lelak meda ia. Sikal endar ga ia.

Tumu pagi pukul 6.30 pagi kami duai papa udah datai ba sepital. Appointment enggau Dr pukul 7.30 padi.

Pukul 7.30 pagi Dr datai ngabas aku.

Datuk Dr Aziz :Ka ngambi Epidural?

Mama Doyee: Eii.. enggai aku Dr. Enda pansut anak aku legi. ( Ia ga ko urang nadai asai deh. Enti nadai asai , enda pedis keni ka neran? Ko tudah anak ati aku.)

Mama Doyee: Aku ngambi gas extonox enggau ubat pemenat aja. (Suba maia beranak ka kakak aku ngambi 2 iti drug tu. Nadai nya entu nulong deh, tetap ga pedis.

Datuk Dr Aziz: Ok

Munyi ko papa 'poyo' aja ngambi 2 iti drug tu. Kagi ila enda ibuh meh ko aku. Nyau kekulap mata tudah aku mabuk jamah gas nya. Ei nadai utai enda ngemeli nya ko aku ga mutap kediri. Ia utai tegah tudah midwife ka nulong aku beranak ga aku."Anang ngantuk dek. Anang kelalu dek nyirut ka gas nya" ko iya ga.

Mensia Maioh.

2008-04-18T05:42:00.000-07:00

Kala kitai meda ulah mensia maioh nyelai sereta ngasoh kitai berunding. Pemuas ka nadai pengawa aku lalu tefikir ka ulah mensia. Uji kitai meda sereta sama berunding.

1. Bisi urang burok peda kitai. Enggai ngemas rumah, malas berapi, malas ngintu diri TANG enda kala malas nurun gawa. Reti nya mina malas ba ia empu aja, laban tedesak ia rajin nurun kereja. Maia gawa kereja ia baka urang bukai, enda tinggal, ulih ngaga nama utai di gaga urang.

Tebalit ga, bisi urang rajin ngintu diri, bajik gamal, wangi belama. Rumah kemas, utai teratur TANG, selalu ngaga MC kediri maia kerja. Lembau nurun, maioh alasan ngaga pengawa.

2. Bisi urang rajin merus ngeli, udah makai di berus ia ngeli. Kini2 di bai ia berus enggau ubat ngeli, TANG tuboh ia bau tengong! Kati ko nya?

3. Bisi urang pandai. Belajar pandai, untak cergas TANG ia milih jalai salah. (Baka kes Sufiah. ) Kitai berunding, enti ia beli, ia paloi urang enda nyebut ia. Pandak runding ko urang. Bah! Kati ko kes Sufiah nya deh? Enda patut runding ia pandak, tentu2 untak ia nemu berunding, akal ia bisi. Pintar gi ari urang bukai. Uji tanya urang ka enda school, nadai pemandai nadai siko ka milih jalai idup baka enggi ia nya enti di asoh milih. Kati ko nya?

4. Tu peda mata aku empu. Mensia tu amat ngenyadi, gari kena gawa beli sebelah pasar malam. Baju dalam kitai indu pen sebelah pasar malam meli. Makai ngenyadi TANG, ia sanggup meli kertas kena nyelap nyemari rega RM 90 segulung! Dalam segulung bisi 6 keping aja. Enti nyemari besai enda cukup segulung kena nyelap ia. Berunding meh kitai. Ko ia kertas nya wangi tan setaun. Kati ko nya deh? Nya aja utai mar sanggup di beli ia! Untong ia ba runding kita?

5. Tu ba urang lelaki ka nyadi tukang masak. Laki petunggal aku, gawa Offshore ba tasik. Kerja nyadi 'Cook' ko kitai. Tukang masak ba kapal meh nya. International compy, nemu meh kitai mandok pemakai Western sigi nemu meh urang. TANG, pulai ke rumah enda kala berapi! Enda kala umur idup aku makai utai di pandok ia! 3 Taun ti udah, enda nemu nama angin ia ngaga ka Indai aku Short Bread, nangka penyamai2. Kasih indai aku wai kemaia kala makai utai nyamai baka nya. Nyau letup2 nyawa ia nusi ka urang sebelah rumah panjai madah ka utai pandok 'Igat' ia nyamai? Kati ko nya deh?

6. Dr wai, ukai jauh tampong aku tu meh rumah ia. Kitai ka parai nyaga anak. Ujan kangau pulai, makai enti ulih utai ka berkhasiat meh. Enggi Dr tu anak mapar sebelah nya, moa anak pera-pera (baka aku kelia meh, kendas insak malit kuyu nyau chelum meh kuyu nya) baka nya meh pendiau anak ia. Rumah nibuh sebut penoh laban likau tulis anak ia. Seduai laki bini bela nyadi Dr. Engka nya betul kini cara ngibun anak. Enda meh kitai nemu. Bisi urang madah enti anak teleba kamah imune ia ari penyakit. Amat kini wai, jarang amai sakit asai aku sampai diatu. Enti Aqila aku nya taun 2006 suba 2 kali tama sepital. Sekali cirit (beresi ga asai ia) sekali angat. Udah ibun Indon keru urang raya sakit. Lapa meh ke beinsak mimit, tabin mimit nemu enda anak mit. Kati ko nya deh?

Aram kitai bela berunding. Pelaba aku bela bisi kitai nemu ulah mensia. Pelik meh nya. Anang ngambi ati bala maioh nyema bisi asai tekena mimit ba kitai. Semina mai ngenong aja. Setiap mensia sigi bisi ulah serta perangai pelik ia. Kitai meda enggi urang, urang meda enggi kitai. Enda pia?

Pengawa Maia Lepa

2008-04-01T06:35:00.000-07:00

Nadai pengawa ujong minggu aku di bai kawan ngagai 'salon' ko niang ini ngaga pedicure & manicure. Gambar jari enda di ambi laban nangi ka Papa Aqila meda. Puas ngelalai ka cat kukut jari kaki nya. Enda nemu nama kabuah ngandung sekali tu ka amai aku tu nganta. Nyau ka tiap minggu aku nuchi bok ka salon. Nasit salon semak rumah aku tu mudah, enti mai syampoo ka diri empu ka RM20 aja charges ia. Ia ga bisi urut service nangka penyamai-nyamai di urut 'amoi' salon nya. Anang jealous kita bala kaban ka sama diau ba menoa KL tu ninga charges nya.

Tambah 'amoi' salon nyau teleba aku. Suba range ia ngecas aku dalam RM 35 - RM 40 untuk wash & blow diatu mudah jauh. 'Ukai nama ia nemu dek selalu kia" ko bala kaban ga.

Sorry ngagai bala kita ke bisi ngabas blog aku tang aku nadai ari malas comment kita. Diatu Mama Doyee udah bulih early Birthday present ari Papa dibeli ka urang lap top tudah aku. Tumeh kena aku bereksperiment ngaga blog. Ila aku ngadu ka blog tu badas agi enti bisi ari.

Bisi sida kaban ka baru ngabas, udah di update aku ba list bala kaban kita ka empu blog. Baka Pat aku sigi selalu ngabas blog ia deh. Rindu ninga cerita ia. Terima kasih laban rindu ngelawa ruai aku.

Udah tu selalu meh aku bisi masa ngabas blog aku. Maioh meh new up date udah tu termasuk gambar. Kati baka Puteri, bisi insur mimit ruai aku peda nuan? Ila nguji 'ngerini tek' ia munyi ko kami menoa. Mupok dulu.

Cerita ati tusah di ari Valentine.

2008-02-14T19:15:00.000-08:00

keni asai ati kita enti urang ka di ka sayau, di kerindu ka kitai serta udah lama idup begulai enggau kitai tetiba madah ka diri udah enda sayau, enda rindu ka kitai agi. Di pelaba ka aku sigi runtuh asai jantung maia nya. Sigi petang dunya tu di peda.

Minta ampun meh tudah aku ngungkit cherita tu maia ari urang bekasih sayang tuk ko Urang Hari Valentine. Kabuah pia kemari (14/2/08) aku nerima sms ari kawan aku. Tu munyi sms ia:

"Susah amai ati aku tu Lee. Enti dik bisi ari tel aku"

Maia aku nerima sms ia apu... tekenyit amai ati aku. Baru aja ia pulai ke KL ngagai rumah mentua ia maia Tahun Baru Cina sarinya. Bisi meh ia nusi ka aku cerita pasal laki ia ti udah berubah. Enda nyangka problem ia kelalu berat.

Aku pan beguai-guai call ia. Irau ga ati takut ia enda ulih control diri empu. Maia aku ninga nyawa ia nyaut call aku senang mimit ga ati aku. Enda kelalu stress nyawa ia dinga aku.

" Kati gaia nuan deh?"

"Bakanya meh. Ati urang udah enda ba kitai agi. Munyi ko ia, tubuh aku ba rumah tu, tang ati aku ba rumah indu nyin"

"Apu... nama ia munyi nya. Beterus terang amat. Sampai ati ia munyi nya neh?"

"Nya meh. Ni enda pedis agik ati aku. Nemu dek ia madah udah enda rindu sereta nadai ati agik ka aku?"

Maia ia nyebut jako tu aku enda nemu nama utai ka di sebut agi. Aku "terdiam".

"24 jam ia berandau enggau indu nya ba telefon. Diatu indu nya ngasoh ia ke Bintulu , (kawan aku tu ba Sibu) ngabas ia. Enti laki aku kin ni maia ia pulai? Kada enda lansung din ia deh. Kati ko anak aku 2 iko nya deh. Ia ka tuai nya school keni ko aku nganjong ia school enti kereta di bai ia kin. Aku amai merinsa suba, enda aku irau merinsa baru laban udah teleba. Tang kati ko anak aku deh. Ari dalam perut seduai nyamai, senang nyentok ka diatu. Enti nama-nama nyadi ila enda aku sanggup meda seduai merinsa. "

Nyau ka neritik ai mata aku maia aku ninga ia munyi nya.

" Diatu betangguh-tangguh ia meri duit belanja. Semadi ulih nagih baru meri. Ia ga aku tu enda kerja. Tinggal ia ngabas indu nya di Bintulu ila kada enda mati rangkai kami menyanak ditu.' Enti suba empai cukup bulan sema ko jako udah ia nyua ka duit belanja."

Amat sinu ati aku ninga serbana ia. Maia tu nitik ai mata aku.

"Sampai ati ia enda belalai ka dek gila indu neh. Enti aku pan aku enda ulih nerima. Nadai meh daya kitai indu lebih agi enda kerja ngarap ka laki enti di gaga urang bakatu. Nyadi pesan aku ngagai nuan, terima semua dugaan tu enggau ati ti tabah. Maia ka diatu laban ia agi begulai enggau nuan, tundok ke meh ia. Nadai ko enggau ia. Enti baka dek nadai anak sigi aku asoh tinggal ka dek laki dek nya ngagai court minta apa yang perlu. Laban ngenang anak anang sekali-kali ngaga keputusan salah. Cuba berbincang manah-manah. "

"Anang kelalu stress cubalah merindang ati diri empu. Kasih ka anak dek."

Maia aku ka betelefon enggau ia aku benung dalam KTM nganjong diri betemu enggau Papa Aqila ba KLCC. Kenu ka makai meh tang munyi ko Papa Aqila ukai celebrate Valentine 'mali' celebrate ko ia. Entahlah aku ukai nemu amat pasal Islam religion tu, benong belajar ko urang. Bai aku ga anak. Mali tinggal meh kechik aku nya. Munyi ko urang 'iko' aku meh nya. Bai Papa ia makai ba Sundanese KLCC. Kurang meh aku pemakai Indon- Sunda tu. Kasih ka Papa ia bangat minat makai Cumi-cumi - Sotong panggang.

Maia makai aku alu serbana ba Papa ia.

"Nyamai ati lelaki berubah neh. Udah bulih bini, ka ngiga lebih. Udah ga urang berantu nyawa beranak, udahnya nya nyau leju. Jako Iban aku serbana.

"Ni apahal ni tetiba je melalut ni".

Aku lalu nusoi cerita kaban aku nya. Enda aku bepampol pampol deh. Enda ngawa Papa ulih pecaya nyimpan cerita laban enda berandau hal urang enda bercerita. Meda ai mata aku beriar Papa alu madah, jako Melayu urang, translate aku jako Iban ditu;

"Udah nasit siko-siko mensia. Anang nyalah ka sesapa. Utai bakanya sigi enda ulih di sangka kitai" Papa

"Apu.... nama gila indu nya nasit pia? Ukai ulih seliah ka utai bakanya?" Sapa ngasoh gatal ka ngiga baru?! Mama Doyee

" Ni nemu, kaban nuan pun bisi salah sebedau tu, enda ngambi ati laki, selalu nusah ka laki, bejegau kin kia?" Papa

Neh baka nyindir tudah aku meh nya.

"Pama spesis kita sigi nyangkong pangan diri meh kita. Nama kabuah pama utai enda manah nyadi, urang indu selalu di salah ka. Enti laki bebini baru, laban bini lama enda nemu nyaga, enti anak failed peresa, laban bini enda nyaga, enti anak sakit, laban bini enda nyaga, nyentuk enti utai di rumah jai/lenyau laban bini enda nemu nyaga!" Mama Doyee.

"Dah lah tu. Jangan involve sangat dengan masalah macam ni. Tak elok. Suruh kawan Mama bersabar je. Cuba berbaik-baik".

Nya meh cerita bala kaban aku. Ninga cerita baka tu kitai ka udah belaki, beranak pinak to sigi irau meh ati. Bisi ga cerita di dinga sida ka indu ga ngayah ka laki. Enti lelaki manah, indu ga jai. Engka amai kini jako laki aku nya kaban aku bisi penyalah, tang laban kitai idup melaki bini kitai mesti bisi toleransi, mesti berbincang anang nuju jalai ka salah. Arap meh kaban aku nya ulih besabar enggau semua penyalah ka nuntong ia diatu.

Sinu kitai ninga, sinu agi urang ke ngasai ia.

Nama Berita?

2008-02-01T00:50:00.000-08:00

Bisi kita meda entry aku kemari nya. Ha.. ha.. tajuk aja pansut wai. Ni leka jako tebah dia? Lenyau meh nya. Pemadu ko kami din. Keni tau nyau pan aku enda nemu. Sigi baka enti kitai enchuri berblog sambil gawa. Nya meh padah ia!

Pemuas aku ka raun sebelah ruai (blog) urang nyau tetemu gak urang di kelala. Dipelaba ka aku aja. Ila aku update pasal kaban aku tu empai confirm betul ke enda aku kala berkelala enggau ia.

Nadai entu berita. Ila update cerita baru.

Sibuk.

2008-01-30T01:26:00.000-08:00

Merry Christmas!

2007-12-23T23:06:00.000-08:00

Apu, sedih amai. Tumu pagi tadi aku nganjong adik aku ke Airport, pulai ke Miri. Tang ia terpaksa ke Sibu laban sida apai (all my family) berkumpul ba rumah nyemadi aku ke lelaki. Pedis amai ati aku. Selalu amai sida ngaga plan bakatu. Taun 2006 suba maia aku enda kerja enggai sida ngaga plan bakatu. udahnya semua bala menyadi aku celebrate ba rumah sida iya empu.

Not to say that i am going to celebrate (laban ka muslim) tang aku rindu bekumpul bala maioh. Sapa enggai. Enti bala menyadi semoa bisi maia hari Christmas tuk. Neh asai ka laboh ai mata. Sempat ga aku manduk Kek Buah campur lalu asoh aku bai Enot. Kasih ka menyadi aku ka lelaki kak amai makai kek buah.

Menyadi aku nyau muchau laban maioh amai utai di asoh aku bai ia. " Peda dek aku tu nyau baka Santa Claus. Baju aku ka 2-3 iti aja. Baju urang ka maioh agik. Telanjai aku tu ila ba Sibu din". Eh mudah gari ba Sibu anang irau dek. Meli ga dek din. Anang maioh beleman" Ko saut aku. Indai ngasoh meli curry manok. Ntahlah. ko iya nyamai curry KL. Engka kini laban curry ba carefour nya udah siap campur enggau maioh rempah etc: jintan manis, jintan putih, ketumbar, chilis paste... Udah nya di ungkup ka aku sepasang siko sida anak menyadi aku baju. Bisi 8 iko semoa sida. Nasit bisi sale diatu mudah diri ga gari anak mit.

Taun tu apai di beli ka aku T-shirt enggau wallet. Indai pen di beli ka aku purse. Enggai meli ka iya baju. Laban ia ke KL bulan 7 tu kemari maoih amai meli gari. Nemu urang diatu wai milih utai ka mar. Pemadu! kitai kelia puas bai ia ngagai kedai irit meli baju lunggok. Pia pan. kasih meda gamal ia. Kadang-kadang aku selalu berunding. Nadai salah meli ka seduai barang mar mimit asal ati seduai puas. Rindang ati meda pengaga gamal seduai leboh kitai meri utai ke seduai. Baka gamal anak mit gaga ka toy pun bisi.

Indai nusi menyadi aku ka indu ti tuai meli HP siti siko seduai laki iya. Neh, diau ba ulu sungai (Belaga , Kapit) keni ka betalipaun. "Nya meh ka ngisin ke diri" Sapa ke telipun seduai di ulu din. Ngentut ka diri" Ko tudah indai. " Eh dek nya ke jeles ke urang deh. Kapa enda seduai rindu bayam HP nya kini. Leboh seduai ke pasar, nyamai ga kitai ngiga" ko saut tudah aku.

Di pelaba ka aku sida ia sigi bisi line, laban sida ngena solar system. Ia ga public phone sida funtional deh. kitai ulih call sida ia. Nya meh cerita sekeda sida menyadi. Nyau ga bisi insur sida diatu. Manah meh nya. Rindu ninga cerita sida terutama ninga rita bala sida ke mit-mit. Apu tetengok amai aku ka makai buah puror campor manok iban. Neh lapa deh.

Merry Christmas to all my blogger friends!!

Gaga ati.

2007-12-20T20:16:00.000-08:00

"Aku udah bekemas ah. Udah simpan dalam kutak magang barang kami. Pindah meh kami sebilik tu." Wen

" Bula dek nya. Berapa kali ga dek madah ka pindah kitu. Suba bakanya meh udah simpan barang pindah sebelah nya ga dek" Mama Doyee.

" Amat sekali tu. Aku mesti fly ke KL before end of January 2008. Sebedau aku mechah".( Ia pregnant diatu udah ka masuk 7 bulan). Wen

"Apu amai dek? Dini deh?" Mama Doyee

"Nya meh. Rumah ka beli kami di Kinrara jual aku, ka ngiga ba Seremban tauka Melaka. Manah dinga aku rega property diak. ulih bulih bunglow rega RM 300K. Amai Ka?" Wen

"Amai nya. Tang diatu ba Seremban 2 nyau niki rega property ko sida kaban laban udah bisi Jusco. Tang still jauh lebih murah ari ba semak KL din. Beli meh ba Seremban. Udah semak menoa aku nya deh. Ka pulai ke Johor kita menyanak udah ga entara menua nya. " Mama Doyee

"Pia meh ia. Nyadi tua ila neh. Beganjoh meh tua tu. Anang mai anak tua bejalai au. Apu.. tetengok amai aku ka utai ba Mid Valley dia" Wen (Ia sigi peminat No 1. Mid Valley. Suba Papa Aqila sigi anti Mid Valley laban tusah parking. Sekumbang The Garden Mid Valley udah tembu, maioh parking serta lebih semak ngagai Mid Valley. Nyau tetiap minggu ga kia bai urang (suba KLCC).

Wen tu petunggal aku. Ari ada ke begulai. Indai ia nyemadi apai aku. Kahwin enggau orang Johor tang laki ia kerja ba Bintulu. Diatu transfer ngagai Seremban maybe Melaka bedau confirm. Kami seduai sigi close ari mit begulai sampai diatu. Sida mesti pulai ke Marudi kelia tiap kali Gawai tauka cuti ujong taun. Maia sida datai sigi rindu amai sepi aku. Urang negeri datai, jealous meh kekadang meda utai kena seduai semadi. Baju beli ba negeri sigi jauh kualiti manah ari ba pasar mit. Tambah apai ia sigi pemesi meh. Enti sida enda ulih pulai cuti sekula ujong taun aku ga kin (Bintulu) di order ibuk aku. Niang sigi nelap serta manah amai enggau kami semadi.

Begulai, belaya, betunduk baru sigi baka anak mit meh. Diatu kami seduai bela udah bisi family ke diri empu. Mak ia nadai maia ia baru berumur 13 taun. Kasih amai tudah indai aku meda sida menyadi maia nya. Amai indai aku pangkat ibu aja. Sampai ke di beli ka apai TV sida menyadi. (Bisi meh story ari cerita nya.)

Diatu ia udah senang. Maia ka di tinggal mati indai ia suba cukup merinsa seduai menyadi ia ka siko tuai mimit ari ia. Laban maia nya seduai agi school. Enda ulih aku ngemanjai ke cherita laban enda manah di bantai ditu. Diatu pengidup Wen cukup senang. Her husband can effort to bought a house ba Kinrara dalam RM 400++K . Taja pan ia ka nyual property nya laban kebuah seduai meli suba pan untuk investment.

Ukai aku ka nge show ka pengaya, pemisi ia, tang aku sinu ngenang penusah serta pemedis ia suba. Nya baru aku nemu Tuhan nyau penyiru serta nemu kasih, meri harapan ngagai semoa mensia.

Bakanya ga story 1 of my friend. Mayang nama ia. Ia urang tusah, urang merinsa. Maia agik school suba kami seduai begulai. Sigi selalu ga aku sponsor ia amai enda maioh. Kena aku nyaup ia. Amai ia enda pandai tang diatu ia udah senang.

Very sad story of Mayang. Udah ambis SPM, ia nemu aku ba KL (ba UM aku maia nya.) Enda nemu kati kami seduai tau lost contact. Engka aku kelalu happy enggau Uni life aku kini maia nya. Aku enda ingat ka ia. Ia ka nitih ka aku tang nadai kaban, bala ba KL. Udahnya ia stuck ba KLIA, lalu minta kasih ka urang sebelah nya minta kerja. Bulih kerja ba kedai dia ia di beri urang asrama pekerja. Nya meh pun ia betemu enggau laki ia diatu. A chinese guy, manah amai. Cina nelap ari Ipoh. Tang husband ia selalu traveling ke Sibu (menoa Mayang ga). Senang meh idup ia diatu. Selalu ia ke KL laban laki ia bisi meli rumah ba Salak South. Nyau kelama baru kami duai ia betemu baru nya pan laban kaban aku siko mekang kerja ba Maybank Kapit - easier aku ka ngiga ia.

Gaga meh Mama Doyee. Ka manjung asai ia. Petunggal aku Wen nyau ga pindah kitu. Nyamai meh kami duai be usong-usong ila. Mayang kadang-kadang twice a year ia pulai betemu ga kami duai ia ba KL. Plan aku mai seduai ngulam ba langkau aku nunga pun mempelam kami. Enda sabar nganti penatai Wen. Neh baka Aqila aku tu selalu gauk amai.

2007-12-17T01:41:00.000-08:00

Kemari aku mai ama aku meresi ayam (toys) Aqila. Nangka pemaioh-maioh sereta maioh utai enda sekena dipeda aku. Akai asai ka baru udah aku muai/donate sekeda toys nya ngagai bala petunggal ia. Agi ga maioh. Ni enda penumboh seduai Papa ia meda katalog Toy's R Us ka di anjong sepanjai Bulan December fr Chrismas Season to milih meh urang ni ka di kerindu ati. kumbai aku enggai Papa ia senurut utai ko ia, peda aku di beli ke urang ga.

Diatu Aqila benung minat amai ke bala sida Princess, enggau anak-anak Princess (madi ia kini?), sida Prince, sida Island Princess enggau gajah ia, bala kuda meh. Eii sekut dalam aku meda. Ka di beri ka urang sayau ga. Toys kemaia ari diatu mar amai. Aku enda ga sanggup meli utai ngemar nya laban aku enda teleba spend meli utai ka not necessary bagi aku. Tang Papa ia sigi rindu meri anak ia treats bakanya. Selalu aku mesan ia enda manah. Ila ia teleba minta utai enda entu perlu iga. Nadai urag ka mending deh.

Di kumpul kami seduai nyau penuh sekotak besai. Umur aqila baru 3 taun udah ngembuan toys ngemaioh nya. Sepanjai aku ingat maia agi mit suba kada bisi sekotak mit ayam aku. Nya pan toys rega murah sereta ulih nyampah sebelah baroh rumai ini di rumah panjai din! Diatu aku madah ka Papa ia semua toys ke enda guna donate ngagai Orphan house tauka pos ngagai rumah panjai beri ngagai bala ke enda entu pemisi din. Baju ia pan bakanya. Maioh amai. Ia ka manah-manah simpan aku memanah laban ka agi beranak kenu ko. Ia ke di ka di beri ka urang pan manah mega.

Teringat maia agi mit suba. Sinu amai ngenang. Sekali kami ke Seria (Brunei). Aku agi ingat minta di beli ke set pinggai. dipeleba ka aku rega ia dalam RM 5-10 aja kini. Bendar aku nyabak minta pulai kami ka rumah petunggal ba Seria nya agi ga aku nyabak ringat minta. Nyau ke puas baru meh di beli ka urang. Neh. Jai amai agi mit suba, nadai ngira sida apai bisi tauka nadai duit. Gaji apai ukai besai maia nya. Dipeleba ka aku kada enda RM 700 - RM 800 aja. bala anak 3 iko school. Ni cukup kena meli utai macam-macam. Tambah raun ke menoa urang agi lah ia ka bejimat.

Teringat mega maia kami seduai aja ke Miri. Maia nya umur aku dalam 8-9 taun. Enda ingat nama kebuah kami seduai ke Miri, enda bemalam pulai ari. Datai di rumah apai nusi ke indai duit ia tinggal RM 0.50! Enda lama udah nya datai ga urang rumah panjai ke rumah ka nginjau duit. Ingat aku apai mantai ke purse ia nunjuk ka duit tinggal RM 0.50. Kasih amai.

Maioh agi cerita lama-lama. Bisi maia aku nulis ia. Ka madah ka apai pasal bolg aku. Awak ka ia macha.

Aki Apai

2007-11-21T19:07:00.000-08:00

Anak aku Aqila umur ia baru 2 taun 11 bulan. Cukup pintar serta rindu nunda/ nitih ulah urang tuai. Cerita tu nyadi lebuh maia umur ia cukup 2 taun maia kami pulai kemisi ba menoa. Ia sigi landik bejako. Maia umur ia 7 bulan ia udah nemu nyebut Mama, Papa, Bird, enggau bye.

Ba Bolevard Miri.

Apai sibuk milih baju. Enda meda group kami ba ujung kedai baju.

"Uji kangau ka Apai dek nyin" Indai.
"Apai! Apai!" Mama Doyee

"Aki Apai! Aki Apai!" ko Aqila nyaup Mama ia ngagau ka aki ia. Suba ia ngagau ka Apai aku 'Aki'. Udah ka ninga aku ngagau 'Apai' ia lalu nambah ka nama aki ia nyadi 'Aki Apai'.

Neh! Lapa deh. Nya meh sampai diatu ia ngagau urang tuai nya Aki Apai. Nama penyadi. Nyau nunda ga bala uchu ka bukai, sida ibu aya ia ngagau ka aki ia Aki Apai. Bisi ga aya kami ka di kangau ka bala uchu ia 'Aki Ado' laban selalu nusoi cerita Ado (enti bala maioh nemu Cerita Ado tu ensera lama). Kelia kami ngagau ka niang aki ' Aki Babi' laban tudah nupi maioh babi.

Nya tentu bala maioh bisi gelar/ensumbar kediri ngagau ka aki.

Ngabas Enda Lama

2007-11-20T00:18:00.000-08:00

Sigi lama enda nemuai kitu. Ukai lapa, sibuk enggau rumah ka siti nyin. Telunga-lunga meh nya. Nyadi aku diatu benung ngumpul bala bakih. Mupuk meh tudah aku begiga sebelah rumah urang ngicha ka urang ka bekawan meh tu. Keterubah ia lalu ngagai ruai Ini Andan tudah aku. Rindu macha cerita ia. Sigi baka kisah sida indai.

Nadai entu berita ka diatu. Nganti bisi cerita ila aku nusoi ensera ditu. Nya dulu meh ka diatu.

Kebun Buah

2007-09-20T23:13:00.000-07:00

Kemari aku meda kebun buah kami ba Tanah Haram ( haram meh ko aku laban ba luar pagar rumah). Ila aku belajar add image ba blog tu. Ngambi bala maioh tau meda kebun tanah sejengkal aku nya.Nadai ari sebenar ia. Mupok belubah meh tudah aku. Nyadi amai kebun kami nya. Aku bisi nanam buah Longan, buah cempadak,buah rian, serai, buah ciku, buah limau kasturi (apai ka bendar ka nanam buah tu) buah rambutan, cabi, tebu, cangkok, buah entekai enggau daun ubi, buah mangga, enggau buah rungan! Nya neh. Bedau ba ujong bilik aku din bisi meh aku nanam sida cabi besai, daun pandan enggau entekai. Apai Aqila sigi enda setuju meda ulah aku betanam ka buah ba Tanah Haram nya. Tang aku sigi enda peduli. Enti MPPK (Majlis Perbandaran Kajang) datai mabut semoa pun buah nya sigi reraoh meh aku nyabak. Sayau amai aku ka buah nya. Siang malam aku gegining meling pun buah ngicha ka bisi tepeda ka bungai buah. Neh udah bebungai ciku aku. Ka 2 tangkai ga bungai ia peda aku. Raya ga pengaga ati. (Anang guai gaga dek ko Indai aku engka ta buah bula ia) Laban pun ciku aku nya enda sampai setaun umur ia ditanam. Buah mangga kami udah dempa, bisi ga 20 igi buah iya. Cukup manis serta nadai urat enti dempa. Maia ia bebungai suba cukup lebat tang buah ia mayuh rarah engka laban pun ia agi mit enda tetan ka buah ia maioh. Raya pengaga ati meda buah nyadi. Semua pun buah nya di tanam apai aku. Tudah aku mina ngintu ia aja. Kemaia meh rian kami menyanak tau dempa. Kada enda rarah diri ngeli penanya aku tu ila baru kami menyanak makai buah nya.

Keterubah iya

2007-09-19T00:43:00.001-07:00

Ahai wai!! Pemadu ko kami menoa. Nyau rauh-rauh ga kami duai off mate aku gaga meda ulih ngaga blog ka diri empu. Kumbai ta pedis endar ngaga ia. Ngelamatu puas meh tudah aku ngining blog urang bukai. Keterubah iya meh tu. Agi aku ka explore deh.